‘पैसा र पदका लागि विपक्षीसँग मिल्ने नेतालाई मधेशी समाजले बहिष्कार गर्नुपर्छ’

• माघ १७, २०८१ | ५३५ पटक पढिएको | सीमा संदेश

जनता समाजवादी पार्टी नेपालका अध्यक्ष उपेन्द्र यादवले पैसा र पदका लागि विपक्षीसँग मिल्ने नेतालाई मधेशी समाजले बहिष्कार गर्नुपर्ने बताएका छन् ।

राजविराजमा बुधबार भएको कार्यक्रममा पूर्वउपप्रधानमन्त्रीसमेत रहेका अध्यक्ष यादवले मधेशीसँग गद्दारी गर्ने धोका दिने र पद पैसाका लागि चाकरी गर्नेलाई मधेशी समाजले बहिष्कार गर्नुपर्ने बताए । उनले मधेशी समाजलाई धोका दिने र पैसा तथा पदका लागि चाकरी गर्ने बिपक्षिसँग मिल्ने व्यक्तिलाई मधेशी जनताले समयमै पहिचान गरि बहिष्कार गर्नुपर्नेमा जोड समेत दिए ।

पार्टीको सांगठनिक संरचनालाई अझ सुदृढ बनाउन जनतासँग जसपा नेपाल अभियान चलाइएको उनले बताए । जनतासँग जसपा नेपाल, अधारभूत संगठन निर्माण अभियान अन्तरगत बुधबार सो पार्टीको हनुमाननगर कंकालिनी नगर समितिद्वारा इनर्वामा आयोजित “बृहत् पार्टी प्रवेश” कार्यक्रमलाई सम्बोधन गर्दै उनले यस्तो जनाए । “संगठन शक्ति हुन्छ, अध्यक्ष यादवले भने, ‘शक्ति निर्माणका लागि जनतालाई संगठित गर्न हामी अभियानमा निस्केका छौं ।’ उनले मधेशीसँग गद्दारी गर्ने, मधेशी समाजलाई धोका दिने र पैसा तथा पदका लागि चाकरी गर्ने बिपक्षिसँग मिल्ने व्यक्तिलाई मधेशी जनताले समयमै पहिचान गरि बहिष्कार गर्नुपर्नेमा जोड दिए । उनले जसपा नेपालको अभियानलाई बल पु¥याउन सबै मिलेर सहयोग गर्नुपर्नेमा जोड दिँदै यसले मात्र मधेश मुक्तिको अभियान सफल हुने जिकिर गरे ।