अर्नमा गाउँपालिका अध्यक्ष फुटवल गोल्ड कप -२०८१ को उद्घाटन, लहान विजयी

• माघ २५, २०८१ | ५३५ पटक पढिएको | सीमा संदेश

सिरहा, २५ माघ । अर्नमा गाउँपालिका सिरहाको आयोजनामा संचालित प्रथम अध्यक्ष फुटवल गोल्ड कप- २०८१ को बिहीवार गाउँपालिका अध्यक्ष अशोक कुमार यादबले उद्घाटन गरको छ ।

स्वस्थ र ऊर्जावान  युवालाई पालिकाको पहिचान सँग जोडन् अध्यक्ष फुटवल गोल्ड कप संचालन गरिएको गाउँपालिकाको प्रमुख प्रशासकीय अधिकृत द्रोपती कुमारी यादबले बताइन् । 

उद्घाटन खेल धर्मपुर गोलबजार र लहान फुटवल क्लव लहान बिच भएका छन् । पहिलो दिनको खेल पेनाल्टी  सुटआउटका मदतले धर्मपुरलाई पराजित गर्दै लहान विजय भएको छ । 

खेलको म्यान अफ द म्याच लहानका गोल्ड किपर जय यादब भएको छ । कार्यक्रममा   गाउँपालिका उपाध्यक्ष शोभा कुमारी साह लगायत वडाअध्यक्ष र विभिन्न पार्टिका प्रतिनिधिहरुका सभागिता रहेका थिए ।

खेलमा सिरहाका जम्मा ८ वटा टिम सहभागि भएका छन् । फाइनल खेल फाल्गुन २ गते हुनेछ । खेलको प्रथम विजयीताले रु. ५० हजार नगद र उपविजयीता रु. २५ हजार नगद र ट्फी दुवै प्रदान गरिनेछ ।