अर्नमा गाउँपालिका प्रथम अध्यक्ष गोल्ड कप-२०८१ : फाइनल खेलमा लहान विजयी

• फागुन २, २०८१ | ९४१ पटक पढिएको | सीमा संदेश

सिरहा, ०२ फागुन । सिरहाको अर्नमा गाउँपालिकामा  सम्पन्न  प्रथम अध्यक्ष  गोल्डकप प्रतियोगिता ०८१’ को उपाधि सिराहाको लहान युवा क्लवले जितेको छ।

शुक्रवार सम्पन्न फाइनल खेलमा लहानले बन्दिपुर युवा क्लवलाई २–१ गोलको अन्तरले पराजित गर्दै उपाधि हात पारेको हो।

खेलको पहिलो हाफमै एक गोल गर्दै बन्दिपुरले बलियो अग्रता लिएको थियो। त्यसपछि खेलको दोस्रो हाफमा लहानले लगतार दुई गोल गर्न सफल भएका थिए। लगातारको दबाबका बीच लहानले दोस्रो हाफमा दुई गोल गर्दै आफ्नो पकड बलियो बनाएको थियो।

दोस्रो हाफमा लहानको आक्रामक खेल शैलीमा प्रस्तुत भयो। लगातार आक्रमण गर्दै उनीहरूले गोल फर्काउने प्रयास गरे र सफल पनि भए । तर बन्दिपुरले गोल फर्काउन नसक्दा  उनीहरू उपविजेतामै सीमित भए।

फाइनल खेलपछि आयोजित पुरस्कार वितरण समारोहमा अर्नमा गाउँपालिकाका अध्यक्ष अशोक कुमार यादबले विजेता टिमलाई नगद ५१ हजार ५ सय ५५ रुपैयाँ, गोल्डकप र प्रमाणपत्र प्रदान गरे। उपविजेता बन्दिपुरलाई उपाध्यक्ष शोभा कुमारी साहले नगद २५ हजार ५ सय ५५ रुपैया, ट्रफी र प्रमाणपत्र प्रदान गरिन् ।

प्रतियोगिताका व्यक्तिगत विधागत पुरस्कारहरू पनि घोषित गरिए। प्रतियोगिताको बेस्ट प्लेयर अफ द टुर्नामेन्टको उपाधि  घरेलु टिमका कप्तान सरोज साह , बेस्ट किपर बन्दिपुरका शिव शंकर सदा र गोल्डेन बुट सुरेन्द्र श्रेष्ठले प्राप्त गरे ।

खेलको म्यान अफ द म्याचको पुरस्कार विजयता ओम सिँहलाई ट्रफी र प्रमाणपत्र गाउँपालिकाका प्रमुख प्रशासकीय अधिकृत द्रोपति कुमारी यादबले प्रदान गरिन् ।

 
विजेताहरूलाई नगद राशी, ट्रफी र प्रमाणपत्र प्रदान गरिएको थियो।