सत्ता परिवर्तन भएपनि शासनमा परिवर्तन नहुनु मुलुककै लागि दुर्भाग्य : उपेन्द्र यादव

फागुन ९, २०८१ | ३७८ पटक पढिएको | सीमा संदेश

जनता समाजवादी पार्टी नेपालका अध्यक्ष उपेन्द्र यादवले पटक पटकको आन्दोलनले मुलुकमा सत्ता परिवर्तन भएपनि शासनमा परिवर्तन नहुनु मुलुकको लागि दुर्भाग्य रहेको बताएका छन ।

नेपाली समाज कतारद्वारा आयोजित सम्मान तथा शुभकामना आदान प्रदान कार्यक्रमलाई सम्बोधन गर्दै अध्यक्ष यादवले क्रुर र जहानीय शासनबाट मुक्तीका गि पटक पटक आन्दोलन गरेका शोषित पीडित समाजले सत्ता परिवर्तन गरे शासनमा सहभागिता जनाउन नसकेको टिप्पणी गरे ।

आमूल परिवर्तनका लागि आन्दोलन गर्ने पक्षनै शासनमा पुग्न नसक्नुले मुलुकमा अवस्थामा सुधार आउन नसकेको उनको दावी थियो ।

कार्यक्रमलाई सम्बोधन गर्दै उनले भने, हरेक सत्ता परिवर्तनमा नेपालका मधेशी, आदिवासी, जनजाति, दलित, महिलाको अवस्थामा खासै परिवर्तन आउन सकेको छैन , त्यसको एउटै कारण हो , ई वर्गहरुको शासनमा सहभागिता हुन सकेको छैन । उनिहरुको अवस्था जस्ताको त्यस्तै छ । ’

मधेशी आदिवासी जनजाति लगायतका समुदायहरु अवसर, अस्तित्व र पहिचान बाट बंचित रहे सम्म मुलुकमा परिवर्तन अनुभूति हुन नसक्ने उनले बताए ।

नेपाली समाज कतारका अध्यक्ष मनिषयादवको अध्यक्षतामा भएको कार्यक्रममा अध्यक्ष यादवले भूमि अध्यादेश ल्याएर ओली नेतृत्वको सरकारले पुनः एक पटक मधेशी आदिवासी लाई आफनै भूमिमा अल्पमतमा पार्ने षडयन्त्र गरि रहेको आरोप समेत लगाए ।

फागुन ७ गते कतार प्रस्थान गरेको यादव १२ गते नेपाल फकिर्ने कार्यक्रम रहेको छ ।

सम्बन्धित समाचार