हिजो आफन्तको जिम्मा लगाइएकी युट्युबर गंगा लामालाई आज फेरि साइबरमा उपस्थित गराइने

• चैत २०, २०८१ | ६६७ पटक पढिएको | सीमा संदेश

सामाजिक अभियन्ताका रूपमा चर्चामा आएकी युटुबर गंगा लामालाई अनुसन्धानमा सघाउने शर्तमा प्रहरीको साइबर व्यूरोले आफन्तको जिम्मा लगाएकामा आज फेरि उपस्थित गराउने भएको छ ।

युट्युब प्ल्याटफर्म बेसिस गुड टेलिभिजनको सञ्चालिकासमेत रहेकी लामालाई विद्युतीय कारोबार ऐन अन्तर्गत उजुरी परेपछि साइबर ब्युरोको टोलीले नियन्त्रणमा लिएको थियो ।

उनलाई सोधपुछपछि अनुसन्धानमा सघाउने शर्तमा मंगलबार बेलुका प्रहरीले आफन्तको जिम्मा लगाएको थियो । साइबर व्यूरोका प्रवक्ता दिपक राज अवस्थीले प्रारम्भिक छलफल गर्दा लामालाई थुनामै राख्नु पर्ने अवस्था नदेखिएको र फेरि उपस्थि हुने गरी हिजो बेलुका आफन्तको जिम्मा लगाइएको बताए ।

उनले कसुरबारे अहिले भन्न नमिल्ने र सरकारी वकिलमार्फत मुद्दामा अघि बढ्ने कुरा भइरहेको जानकारी  दिए ।