भारतमा कोरोना संक्रमितको संख्या ५ हजार नाघ्यो, ५५ जनाको मृत्यु

• जेठ २३, २०८२ | ३३९ पटक पढिएको | सीमा संदेश

भारतमा कोरोना भाइरसबाट संक्रमितको संख्या ५ हजार नाघेको छ।

भारतको स्वास्थ्य तथा परिवार कल्याण मन्त्रालयले शुक्रबार जारी गरेको तथ्यांकअनुसार, देशमा हाल ५ हजार ३ सय ६४ जनामा कोरोना संक्रमण पुष्टि भएको हो।

यीमध्ये धेरैजसो संक्रमित केरलामा छन्। केरलापछि, गुजरात, पश्चिम बंगाल र दिल्लीमा सबैभन्दा धेरै कोरोना संक्रमित छन्।

केरलामा कोभिडका १६७९, गुजरातमा ६१५, पश्चिम बंगालमा ५९६ र दिल्लीमा ५९२ जनामा अहिले कोरोना संक्रमण छ।

भारतीय मन्त्रालयका अनुसार, जनवरीयता हालसम्म देशमा कोरोनाका कारण ५५ बिरामीको मृत्यु भइसकेको छ।