नयनताराको डकुमेन्ट्री विवाद : नेट्फिल्क्सलाई फुटेज हटाउन आदेश, ५ करोडको लिगल नोटिस

• असार २६, २०८२ | ३०३ पटक पढिएको | सीमा संदेश

दक्षिण भारतीय अभिनेत्री नयनतारा आफ्नो वृत्तचित्र ‘नयनतारा : बियोन्ड द फेयरी टेल’लाई लिएर प्रायः विवादमा रहने गर्छिन् । यो विवादमा उनलाई एपी इन्टरनेसनल कम्पनीले ५ करोड भारुको कानुनी सूचना पठाएको छ ।

वृत्तचित्रमा अनुमति बिना नै फिल्म ‘चन्द्रमुखी’को फुटेज प्रयोग गरिएको आरोप छ । यस मामिलामा मद्रास उच्च अदालतले बुधबार सूचना जारी गर्दै जवाफ मागेको छ । यसअघि धनुषले पनि अभिनेत्रीविरुद्ध मुद्दा दायर गरेका थिए ।

जब उनीहरूले पहिलो पटक यस विषयमा कानुनी सूचना पठाए, त्यसलाई बेवास्ता गरियो । यस्तो अवस्थामा अब कम्पनीले वृत्तचित्रका निर्मातासँग ५ करोड रुपैयाँ क्षतिपूर्ति पनि माग गरेको छ ।

मंगलबार मद्रास उच्च अदालतमा यो मुद्दाको सुनुवाइ भएको छ । अदालतले नेटफ्लिक्स र टर्क स्टुडियो एलएलपीलाई वृत्तचित्रबाट विवादास्पद फुटेज तुरुन्तै हटाउन आदेश दिएको छ । दुवै पक्षलाई दुई हप्ता भित्र जवाफ दिन पनि भनिएको छ ।

नयनताराको वृत्तचित्र सन् २०२४ मा रिलिज भएको थियो, जसमा उनको व्यक्तिगत र व्यावसायिक जीवन देखाइएको थियो । यद्यपि, यो वृत्तचित्रमाथि यस्तो आरोप लागेको यो पहिलो पटक होइन । यसअघि अभिनेता धनुषले पनि आफ्नो फिल्म ’नानुम राउडी धान’को क्लिप यस वृत्तचित्रमा अनुमति बिना प्रयोग गरिएको आरोप लगाएका थिए ।