सिरहा नगरस्तरीय फुटबल प्रतियोगिताको उद्घाटन खेलमा वडा नं. ७ विजयी

• फागुन ७, २०८२ | ३६० पटक पढिएको | सीमा संदेश

सिरहा, फागुन ०७ गते । सिरहा नगरपालिकाको आर्थिक सहयोगमा र सलहेश युवा क्लवको आयोजनामा जारी सिरहा नगर स्तरी फुटबल प्रतियोगिताको उद्घाटन खेलमा वडा नं. ७ विजयी सुरु गरेको छ । वडा नं. ७ ले ६ गोल गरी वडा नं. १७ लाई पराजित गरेको हो।

खेलको प्लेयर अफ द म्याच वडा नं. ७ को खेलाडी दिपेश पासमान भएका छन् ।

युवाको सम्मान, नगरको पहिचान, फुटबल खेल हाम्रो अभियान भन्ने मूल नाराका साथ आयोजित नगर स्तरी फुटबल प्रतियोगिताको उद्घाटन सिरहा नगरपालिका मेयर डा. नवीन कुमार यादबले गरका छन् ।

प्रतियोगिताको लागि सिरहा नगरपालिका क्षेत्रको २२ वडामध्ये १३ वटा वडाले आफ्नो सहभागिता जनाउने भएको छ । वडा नम्बर १, २, ३, ६, १३, १५, १६, १९, २१, बाहेक १३ वटा वडाबाट खेलाडीहरु छनौट गरी टिम बनाएर प्रतियोगितामा सहभागी हुन लागेको सलहेश युवा कल्वका अध्यक्ष राजिप यादवले बताएका छन् । सहभागी १३ टिमलाई दुई समूहमा विभाजन गरिएको छ।

वडा नं. ७ ले विजयीसँगै क्वाटर फाइनलमा प्रवेश गरको छ । आज (बिहीवार)को खेल वडा नं. ४ र वडा नं. १० बिच हुने आयोजक सलहेश युवा क्लव सिरहाको अध्यक्ष राजिप यादबले बताए ।