कोलकातालाई ६ विकेटले हराउँदै १४ वर्षपछि मुम्बईले पहिलो खेल जित्यो

• चैत १६, २०८२ | ८९ पटक पढिएको | सीमा संदेश

मुम्बई इन्डियन्सले आईपीएल २०२६ को दोस्रो खेलमा कोलकाता नाइट राइडर्सलाई हराएको छ। आइतबार राति वानखेडे स्टेडियममा भएको खेलमा मुम्बई ६ विकेटले जित निकाल्न सफल भएको हो।

टस जितेर पहिले बलिङ रोजेको मुम्बईविरुद्ध कोलकाताले २० ओभरमा ४ विकेट गुमाएर २२० रन बनाएको थियो। कोलकाताका लागि कप्तान अजिन्क्या रहानेले ६७ रन र अंगकृष रघुवंशीले ५१ रन बनाए। मुम्बईका लागि शार्दुल ठाकुर ले ३ विकेट लिए।

जवाफी ब्याटिङमा उत्रिएको मुम्बईले १९.१ ओभरमा ४ विकेट गुमाउँदै २२४ रन बनाएर लक्ष्य पूरा गर्‍यो। मुम्बईको जितमा रोहित शर्माले ७८ रन र रायन रिकेल्टनले ८१ रन बनाए।

यो जितसँगै मुम्बईले १४ वर्षपछि (सन् २०१२ पछि) आफ्नो सिजनको पहिलो खेल जितेको छ। यसअघि १३ सिजनसम्म मुम्बईले आफ्नो उद्घाटन खेलमा हार बेहोर्दै आएको थियो।