नेपालमा कोरोना संक्रमणबाट मुक्त हुनेको संख्या ४९ पुग्यो

• जेठ ८, २०७७ | २९६ पटक पढिएको |

 काठमाडौं । टेकुस्थित शुक्रराज ट्रपिकल तथा सरुवा रोग अस्पतालमा उपचार गराइरहेका चार जना कोरोना संक्रमित डिस्चार्ज भएका छन् ।

कोरोनामुक्त भएपछि भक्तपुरका दुई र काठमाडौंका दुई जनालाई डिस्चार्ज गरिएको अस्पतालले जनाएको छ । लगातार दुईवटा रिपोर्ट नेगेटिभ आएपछि उनीहरुलाई डिस्चार्ज गरिएको हो । डिस्चार्ज हुनेमा भक्तपुरका एक पुरुष , एक महिला, काठमाडौंकी एक महिला र अर्का संक्रमित पुरुष सशस्त्र प्रहरी हुन् ।

यससँगै नेपालमा कोरोना मुक्त हुनेको संख्या ४९ पुगेको छ ।