सिरहामा १ हजार भन्द बढी स्वाब संकलन, ६ जना पोजेटिभ

• जेठ १४, २०७७ | ४३६ पटक पढिएको |

सिरहा । सिरहामा हाल सम्म १ हजार १ सय २८ जनाको स्वाब संकलन गरिएको छ ।
जेष्ठ १३ गते सोमवार सम्ममा कुल ७१८ जनाको पिसिआर रिर्पोट सर्वजनिक गरिएको छ भने ४१० जनाको रिर्पोट अझै आउन बाँकी रहेको छ । सिरहा जिल्लाको १७ स्थानियतहको २४ क्वारेन्टाइनमा ७१२ जनाको रिर्पोट निगेटिभ आएको छ भने ६ जनाको रिर्पोट पोजेटिभ आएको जिल्ला स्वास्थ्य कार्यालय प्रमुख कृष्णदेव यादबले जानकारी गराउनु भएको छ ।
सिरहा जिल्लामा संस्थागत क्वारेन्टाइन बस्नेको संख्या १ हजार ३४ छन । होम क्वारेन्टाइनमा २ जना र आईसोलेसनमा ८ जना रहेका छन ।
हाल सम्म अरडिटी किटबाट ६ सय ८६ जनाको परिक्षण गरिएको छ । जस मध्ये ६ सय ८२ निगेटिभ र ४ जनाको रिर्पोट पोजेटिभ देखिएको छ ।
सिरहा हाल सम्म कोरोना भाइरस पुष्टी भएको कुल संख्या ६ जना रहेको छ ।