दसगजा क्षेत्रमा प्रहरीको हतियार खोस्ने प्रयास गरेपछि हवाई फायर

• जेठ १८, २०७७ | २४९ पटक पढिएको | सीमा संदेश

सर्लाही । सर्लाहीको दसगजा क्षेत्रमा सशस्त्र प्रहरीले हवाई फायर गरेको छ । भारतीय नागरिकले सीमा सुरक्षार्थमा खटिएका सशस्त्र प्रहरीको हतियार खोस्ने प्रयास गरेपछि हवाई फायर गरेको हो ।

विष्णु गाउँपालिका–२ पकडीमा रहेको दशगजा क्षेत्रबाट करिब ३०–४० जना भारतीय नागरिकको समूह नेपाल प्रवेश गर्न खोजेको थियो ।

सशस्त्र प्रहरीका अनुसार भारतीय नागरिकको समूहले जरबजस्ती सीमा सुरक्षार्थमा खटिएका प्रहरीको हतियार खोस्ने प्रयास गरेपछि एक राउण्ड हवाई फायर गरेका हौं ।

हवाई फायर गरेपछि भारतीय समूह तितरवितर भएको र स्थिति सामान्य बनेको सशस्त्र प्रहरीले जनाएको छ ।

सर्लाहीको विष्णु गाउँपालिका–२ पकडी स्थित दशगजा क्षेत्रमा बीओपी सिमराको टोली खटाइएको छ ।