सिरहामा सशस्त्र प्रहरीद्धारा ४० किलो गाँजा बरामद

• असार ४, २०७७ | ४७४ पटक पढिएको | बैधनाथ कुमार यादब

सिरहा । सशस्त्र प्रहरी बलले सिराहाको इटाटारबाट प्रतिबन्धित लागुऔषध  ४० किलो गाँजा बरामद गरेको छ ।

औरही गाउँपालिका– ४ इटाटारको गागन खोलामा राखिएको लागुऔषध गाँजा बरामद गरेको सशस्त्र प्रहरीले जनाएको छ । 

सशस्त्र प्रहरी बल नेपाल बोर्डर आउट पोस्ट इटाटारबाट पैदल गस्ती टोलीले सुराकीको आधारमा गागन खोलामा बेवारिसे अवस्थामा राखिएको पाँच पोका तयारी अवस्थाका गाँजा बरामद गरेको सशस्त्र प्रहरी उपरीक्षक प्रवीण कँडेलले बताए । 

आवश्यक कारबाहीका निम्ति जिल्ला प्रहरी कार्यालय सिराहामा बुझाइएको सशस्त्र प्रहरी उपरीक्षक कँडेलले बताए । लकडाउनका वेलामा कडाइ भए पनि सिराहाको सीमावर्ती क्षेत्रबाट लागुऔषधको कारोबार बन्द हुन सकेन ।