सिरहामा नहरमा डुबेर सशस्त्र प्रहरीका एक जवानको मृत्यु

• असार १६, २०७७ | ८३४ पटक पढिएको | सीमा संदेश

सिरहा । सिराहामा नहरमा डुबेर सशस्त्र प्रहरीका एक जवानको मृत्यु भएको छ ।

मंगलबार सिराहा नगरपालिका-१४ खिरौनास्थित नहरमा डुबेर उनको मृत्यु भएको जिल्ला प्रहरी कार्यालय सिराहाले जनाएको छ ।

मृत्यु हुनेमा महोत्तरीको सोनमा गाउँपालिका-३ बस्ने २३ वर्षीय मनोहर कुमार यादव छन् । सिराहास्थित सशस्त्र प्रहरी पोष्ट माडरमा कार्यरत उनी कसरी नहरमा पुगे भन्ने कुरा खुल्न नसकेको प्रहरीको भनाइ छ ।

घट्ना सम्बन्धमा थप अनुसन्धान भइरहेको सिराहाका प्रहरी प्रबक्ता बिनोद घिमिरेले जानकारी दिए ।