सिरहामा माक्स नलगाउने ६४ जना पक्राउ

• असार २३, २०७७ | ९२५ पटक पढिएको | बैधनाथ कुमार यादब

सिरहा । लकडाउनको नियम पालन गर्न सर्वसाधारणलाई अनुरोध गरिरहादाँ पनि वेवास्ता गर्ने ६४ जनालाई नेपाल प्रहरीले पक्राउ गरेका छन ।

विश्वब्यापी रूपमा फैलिएको कोरोना भाईरस(COVID-19) को संक्रमण तथा रोकथाम नियन्त्रणको लागी नेपाल सरकारद्धारा अत्यावश्यक काममा सवारी साधन वा पैदल हिड्दा अनिवार्य रुपमा माक्स लगाएर मात्र हिड्ने  र सामाजिक दुरीलाई पालन गरी कार्य गर्न जिल्ला प्रशासन कार्यालय सिरहाले सूचना मार्फ अनुरोध गरेको थियो । 

 उक्त अनुरोधको २४ घण्टा नवितिदै वेवास्ता गर्दै हिडिरहेको अबस्थामा ६४ जना व्यक्तीहरुलाई जिल्लाको बिभिन्न स्थानहरुबाट खटिएको प्रहरी टोलीले नियन्त्रणमा लिईका छन ।

नियन्त्रणमा  लिईएकाहरुलाई संक्रमण रोग ऐन, २०२० अनुसार कार्बाहीको लागी जिल्ला प्रशासन कार्यालय सिरहा पठाईएको जिल्ला प्रहरी कार्यालय सिरहाले जानकारी दिईएको छ ।