‘हुनेले दिएर जाऔं, नहुनेले लिएर जाऔं’

• भदौ ९, २०७७ | ५३२ पटक पढिएको | बैधनाथ कुमार यादब

सिरहा । सिरहा सदरमुकामको एउटा बन्द सटरमुनि टेबुलमाथि चामल, दाल र तरकारी लगायतका खाद्यान्नका पोकामा राखी। सटरमा टाँसिएको सेतो कागजमा लेखिएको छ, ‘हुनेले दिएर जाऔं, नहुनेले लिएर’ । झट्ट हेर्दा कतिपयलाई यो के होला भन्ने लाग्न सक्छ । तर यो हो स्थानीय युवाहरुले सन्चालन गरेको ‘फुड बैंक’ ।

लकडाउनका कारण मर्कामा परेका दैनिक काम गरेर गुजारा चलाउनेहरुलाई लक्षित गरी फुड बैंक सन्चालन गरिएको बताउँछन् अभियन्ता रितेश कर्ण । लकडाउनको समयमा छाँक टार्न मुस्किल परेकाहरुको लागि भदौ १० गते बुधबारबाट सिरहा युनाईटसले सिरहा सदरमुकाममा फुड बैंक संचालन गर्दैछ । फुड बैंकमा चामल, तेल, नुन, दाल, सोयाबिन, भुजा, मुरही र मास्क बितरण गर्ने योजना रहेका छन ।

खान पुग्नेले खान नपुग्नेलाई सहयोग गरि यस बिपत्तिबाट मिलेर लडन युवा, व्यापारी, कर्मचारी, पेशाकर्मी र आमजनसमुदायसँग अनुरोध अनुरोध साथ तयारी भई रहेको कर्णले बताए ।

लामो समयको लकडाउनका कारण खाना नै नपाएर भोकले मर्नु परेको समाचारहरु विभिन्न मिडियाहरुमा आई रहदाँ सिरहामा यस्तो प्रयास सुरु गरिएको छ । यस कार्यमा साथ दिनेले सक्ने जती चामल, नुन, तेल, सोयाबिन, दाल र मुरही दिएर यस कार्यमा सहयोग गर्न सक्नु हुन्छ न भए मनले पनि युवाहरुलाई उत्साहित बनाउन सक्नु हुन्छ ।

प्रतिपरिवारले एक पटकमा एक पोका तेल, दुई केजी चामल, एक पाउ सोयाविन र १ पोका नुन निःशुल्क लैजान सक्छन् । सुरुमा स्थानीय युवाले आफ्नै खर्चमा खाद्यान्न खरिद गरी राखने तयारी गरेको छ ।

यस अघि यि युवाहरुले कपडा बैँक पनि सञ्चालन गरेको थियो । युवाहरुल यस कार्यलाई सफल रुपमा अगाडी बढाउन सिरहाको विभिन्न पार्टिका नेतृत्व पंक्तिमा रहेका नेता, संसद र नगरिकसमाज, बुद्धिजिवि , कर्मचारी र संस्थाहरुका सहयोगको अपेक्षा पनि गरेका छन ।