सिरहा नगरपालिकाद्धारा नगर प्रहरीलाई साईकल सहयोग

• कार्तिक २१, २०७७ | १,०६६ पटक पढिएको | बैधनाथ कुमार यादब

सिरहा । सिरहा नगरपालिकाद्धारा जिल्ला प्रहरी कार्यालय सिरहा मातहतको नगर प्रहरी सिरहालाई ११ थान साईकल हस्तान्तरण गरि सहयोग गरेको छ ।

जिल्ला प्रहरि कार्यालय सिरहामा आयोजना गरिएको साईकल हस्तान्तरण कार्यक्रममा सिरहा नगरपालिका प्रमुख श्री अशेश्वर प्रसाद यादवको प्रमुख अतिथियमा साईकल वितरण गरिएको हो ।

साईकल हस्तान्त्रण गर्दै नगरपालिका प्रमुख यादबेले शान्ति सुरक्षाका लागि समयमा नगरपालिका क्षेत्रमा पुग्न नसकेको जस्ता समस्या अब देख आउनु हुदैन । नगरपालिका क्षेत्रमा हुने लागू पदार्थ दुरव्यशन तथा सामान्य समस्याहरुलाई रोकथाम तथा नियन्त्रण गरी नगरवासीहरुलाई शान्ति सुरक्षा प्रभावकारी रुपमा  हुनु पर्नेे विश्वास व्यक्त गर्नु भयो ।
 
कार्यक्रममा प्रमुख जिल्ला अधिकारी प्रदिपराज कडेल,  एस. पि. उमा शंकर पजियार, वडा नं. ११ को वडा अध्यक्ष बिनोद कामतिको उपस्थिति रहेको थियो ।