करेन्ट लागेर नबराजपुरमा एक युवकको मृत्यु

• जेठ १४, २०७८ | ६०७ पटक पढिएको | सीमा संदेश

सिरहा । सिरहाको नबराजपुर गाउँ पालिकामा विद्युतिय करेन्ट लागेर एक युवकको मृत्यु भएको छ ।

शौचालय प्रयोगपछि हात धुन चापाकल चलाउने क्रममा कलमै जडान भएको पानीतान्ने मटरबाट विद्युत सर्टभई करेन्ट प्रवाहहुँदा नवराजपुर गापा २ का ३५ वर्षिय लक्ष्मण महतोको शुक्रवार विहान मृत्यु भएको हो ।

करेन्ट लागेर वेहोस भएका महतोलाई उपचारको लागि लहान लाने क्रममा बाटोमै मृत्यु भएको परिवारजनले जनाएको छ ।

महतोको शव पोष्टमार्टमको लागि लहानस्थित रामकुमार उमाप्रसाद स्मारक अस्पतालमा राखिएको प्रहरीले जनाएको छ ।