सिरहामा मतदातालाई रुपैया बांड्ने माओवादी कार्यकर्ता पक्राउ

• वैशाख २८, २०७९ | ५३६ पटक पढिएको | सीमा संदेश

गोलबजार । सिरहाको गोलबजार नगरपालिका-२ गुरूधाममा मतदाताको घर घर पुगेर रुपैया बांड्ने क्रममा नेकपा माओवादी केन्द्रका कार्यकर्ता पक्राउ परेका छन् ।

पक्राउ पर्नेमा प्रेम कुमार लामा छन् । उनको साथबाट मतपत्र र रूपैया बरामद भएको बताइएको छ । स्थानीयले उनलाई नियन्त्रणमा लिएर गोलबजार प्रहरीको जिम्मा लगाएको छ ।

गोलबजारका प्रहरी निरीक्षक राजु केसीले लामालाई स्थानीयले नियन्त्रणमा लिएको बुझाएको र आवश्यक अनुसन्धान भइरहेको बताए ।

गोलबजार नगरपालिकामा माओवादी केन्द्रबाट मेयरमा पुन: देवनाथ साह उम्मेदवार बनेका हुन् । लामा उनकै मान्छे भएको स्थानीयको भनाई छ ।