नवराजपुर गाउँपालिकामा जसपाको बहुमतको सरकार

• जेठ ३, २०७९ | ६२६ पटक पढिएको | बैधनाथ कुमार यादब

सिरहा । सिरहाको नवराजपुर गाउँपालिकामा जनता समाजवादी पार्टि नेपालले बहुमतको सरकार बनाउन सफल भएको छ । जनता समाजवादी पार्टिको प्यानलबाट अध्यक्ष, उपाध्यक्ष र चार वटा वडा अध्यक्ष सहित  बिजयी भएका छन्।

अध्यक्षमा जसपाका शिव उदगार यादव ‘शिवा’ दुई हजार भन्दा बढी मतान्तरले विजयी भएका छन् । उनले ४ हजार ५ सय ५४ मत ल्याएको निर्वाचन अधिकृतको कार्यालयले जनाएको छ ।

उनका निकटम प्रतिस्पर्धी नेपाली कांग्रेसका विश्वमोहन प्रसाद यादव मात्र २ हजार ५ सय २५ मत प्राप्त गरको छ । कांग्रेस नेतृ एवं पूर्व उपसभामुख समेत रहेकी चित्रलेखाका भाई विश्वमोहन निवर्तमान अध्यक्ष हुन् । उपाध्यक्षमा जसपाकै पुनम कुमारी यादव ४ हजार ३ सय १८ मत ल्याएर विजयी भएकी छिन् । उनकी निकटम प्रतिस्पर्धी कांग्रेसकै निवर्तमा उपध्यक्ष शोभा कुमारी यादव २ हजार ३ सय ८५ मत ल्याएकी छिन् ।

त्यस्तै वडा नं. १ मा नेकपा माऔवादी केन्द्रको उमेदवार राम औतार यादबलाई पराजित गरी जनता समाजवादी पार्टिको उमेदवार नविन  कुमार यादब बिजय भएका छन् । वडा नं. २ मा नेकपा एमालेको उमेदवारलाई पराजित गरी जनता समाजवादी पार्टिको सुरेश यादब बिजयी भएका छन् । वडा नं. ३ मा नेपाली कांग्रेसको उमेदवार निवर्तमान वडाअध्यक्ष इश कुमार यादबलाई पराजित गरी जनता समाजवादी पार्टिको उमेदवार बंशी लाल यादब बिजयी भएका छन् । वडा न. ५ मा नेपाली कांग्रेसको उमेदवार निवर्तमान वडाअध्यक्ष मनोज कुमार यादबलाई पराजित गरी जनता समाजवादी पार्टिको उमेदवार शिवनाथ यादब बिजयी भएका छन ।

गत २०७४ को स्थानीय निर्वाचनमा नेपाली कांग्रेसले बहुमतको सरकार बनाउन सफल भएको थियो । उक्त सरकारमा वडा नं. ४ निवर्तमान वडाअध्यक्ष मदन यादबले जनता समाजवादी पार्टिको उमेदवारलाई पराजित गरी पुनः निर्वाचित भएका छन् । वडा नं. ४ निवर्तमान गाउँपालिका अध्यक्ष विश्वमोहन प्रसाद यादबको आफ्नै गाउँ हो ।

अब ५ वर्षको कार्यकाल जनता अपेक्ष अनुसारको सफल होस् शुभकामाना ।