कल्याणपुर नगरपालिकामा कर्मचारीकै सेटिंगमा भ्रष्टाचार : कामै नगरी भुक्तानीको व्यवस्था

• असोज १३, २०७९ | १,०२८ पटक पढिएको | सीमा संदेश

सिरहा, १३ असोज । सिरहाको कल्याणपुर नगरपालिकामा काम नगरी सेटिंगमा भुक्तानी माग भएको छ ।

आ.व. २०७८।०७९ का वडा स्तरी बजेटबाट कल्याणपुर नगरपालिका वडा नं. १२ को बेल्हा बजारमा सि.सि. क्यमरा जडान गर्नु पर्नेमा जडान नै नगरी एस. के टेकनोलोजीको बिल बनाई भुक्तानी माग गरिएको छ । 

आ.व. २०७९।०८० को योजनामा बजारमा सि.सि. क्यामरा जडान कार्य उल्लेख गरी एस.के. टेकनोलोजीको नाममा रु. १ लाख ९७ हजार ८ सय ६३ रुपैयाँ भुक्तानी माग गरिएको छ । 

काम नगरी वडा देखि नगरपालिका कर्मचारी सम्मका सेटिंगमा भ्रष्टाचार गर्न खोजेको भन्दै स्थानीयवासिहरुले अख्तियार दुरउपयोग अनुसन्धान आयोग बर्दिवास कार्यालयमा अनुसन्धन तथा छानभिन्नका लागि निवेदन पनि दर्ता गराएका छन् ।

व्यवस्थित रुपमै वडाले भ्रष्टाचार गर्न खोजेपनि सम्बन्धि सरोकारवालाहरु ध्यान जान नसकक्नु भ्रष्टाचारी प्रवृत्तिलाई पृष्ठपोषण भईरहेकोले स्थानीवासिहरुलाई काडा रुपमै उत्रिन्न नपरोस्  छानभिन्न गरी दोषी माथि करवाहीका लागि ध्यान आकर्षण होस् स्थानीवासिहरुका भनाई छन्।