मधेस प्रदेशका कृषिमन्त्रीलाई हराएर जनमतका युवा नेता संजय निर्वाचित

• मंसिर ९, २०७९ | २७६ पटक पढिएको | सीमा संदेश

सिरहा । सिरहा प्रदेशसभा क्षेत्र २(१)बाट चुनाव लडेका मधेस प्रदेशका कृषिमन्त्री विजय यादवलाई जनमत पार्टीका संजय यादवले पराजित गरेका छन् ।

निर्वाचन अधिकृतको कार्यालयका अनुसार १२ हजार १७१ मत ल्याएर जनमतका संजय निर्वाचित भएका हुन् । उनका निकटम प्रतिस्पर्धी जसपा उम्मेदवार विजयले ११ हजार ५२७ मत पाए । संजयले ६४४ मत बढी ल्याई बिजयी भएको छ । 

प्रदेशसभा सदस्यमा निर्वाचित संजय स्थानीय तहको निर्वाचनमा जनमतबाटै औरही गाउँपालिका‌ अध्यक्षमा पराजित भएका थिए । उनी जनमतका केन्द्रीय सचिव पनि हुन् ।