बरियारपट्टीमा सालनालसहित भेटिएका शिशुको उपचारको क्रममा मृत्यु

• मंसिर १६, २०७९ | ६३७ पटक पढिएको | सीमा संदेश

सिराहा १६ मंसिर। सिरहाको बरियारपट्टीमा सालनालसहित भेटिएकोे नवजात शिशुको उपचारको क्रममा मृत्यु भएको छ।

सिराहाको दक्षिणवर्ती हुलाकी सडक खण्डको बरियारपट्टी गाँउपालिका -३ मा विहिवार विहान सालनालसहित खेतमा फालिएको शिशुको उपचारको क्रममा विहिवार राती प्रादेशिक अस्पताल सिरहामा मृत्यु भएको हो।

विहिवार विहान स्थानिय अधिकलाल यादब आफनो खेतबारी जाने क्रममा बच्चा रोएको अबाज सुनेपछि उनले नै गाउँले र प्रहरीलाई खवर गरेका थिए। खवर पाएलगतै शिशुभएको ठाउँमा पुगेर ईलाका प्रहरी कार्यालय बरियापट्टीका प्रहरी टोलीले नवजात शिशुलाई उद्धार गरी स्वास्थ्य चौकी बरियारपट्टी पुर्याएका थिए।

शिशु स्वस्थ्य अवस्था समान्य रहेपनि थप निगरानीका लागी प्रादेशिक अस्पताल सिरहा पठाइएपनि चिसोका कारण स्वासप्रस्वासमा समस्या आएपछि उनको मृत्यु भएको अस्पतालले जनाएको छ।

अस्पतालका अनुसार बेलुका स्वास प्रस्वासमा समस्या आएपनि एनआईसीयूमा राखेर उपचार गरेपनि बच्चालाई बचाउन नसकेको बताए।

वेवारिसे अवस्थामा फालिएको शिशु छोरा रहेको र उनको वजन २ किलो ८ सय ग्राम रहेको र स्वास्थ्य अबस्था राम्रो रहेको स्वास्थ्यकर्मीले जानाएका थिए।