धनुषामा घुमुवा प्रहरी भन्दै धम्काएर पैसा उठाउने पक्राउ

• भदौ २९, २०८० | ५८३ पटक पढिएको | सीमा संदेश

जनकपुरधाम, भदौ २९ गते । धनुषाबाट घुमुवा प्रहरी भन्दै सर्वसाधारणलाई धम्काएर पैसा उठाउने गरेको आरोपमा एकजनालाई पक्राउ परेका छन् । पक्राउ पर्नेमा धनुषाको कमला नगरपालिका ३ लग्माका ३१ वर्षीय अमरेश कुमार यादव छन् ।

उनलाई विदेह नगरपालिका ३ चिकना महिनाथपुर स्थित भित्री सडक खण्डबाट बिहीबार पक्राउ गरेको धनुषाका प्रहरी प्रवक्ता डिएसपी वेदप्रसाद गौतमले जानकारी दिए ।
उनका अनुसार ज १० प ३७०५ नम्बरको मोटरसाइकलमा २ जना सवार भइ पुगेर घुमुवा प्रहरी हो भनी धाक देखाई एकजनासित नगद ४ हजार रुपैयाँ लुटेर भाग्दै गरेको अवस्थामा पक्राउ गरिएको हो ।
लुटपाटमा संलगन ज १० प ३७०५ नम्बरको चालक यादवलाई पक्राउ गरी थप अनुसन्धान गरिरहेको र फरारको खोजी गरिरहेको जिल्ला प्रहरी कार्यालय धनुषाले जनाएको छ ।