सिरहामा अधिकांश मासु पसल मापदण्ड विपरीत, अनुगमन कार्य सुस्त

• असोज १२, २०८० | १,७७९ पटक पढिएको | सीमा संदेश

सिरहा, १२ असोज । सिरहामा अधिकांश मासु पसल मापदण्ड विपरीत संचालनमा रहेको छ । सिरहा सदरमुकाममै प्रदूषित धुलोमा नै अधिकांश मासु पसल खुलेआम मासु विक्री वितरण गरिरहेका छन् । सिरहामा अनुगमन नभएको होइन । तर अनुगमन गर्ने सरकारी निकायले किराना पसल, सुनचाँदी, होटल र कपडा पसल बाहेका पसल अनुगमनकर्ताका  नजरमा पर्न सकेकै छैन् । 

चाडपर्व लागेपनि नेपाल सरकारले बजार अनुगमन तिब्र बनाउन निर्देशन दिई रहदाँ पनि सिरहामा बजार अनुगमन कार्य सुरु हुन सकेको छैन् । बजारमा चाडपर्वका सामाग्रीको कालबाजरी पनि सुरु भईसेको छ । सडक किनारामै खुलेआमा मासु पसल संचालन गरेका मासु विक्रीताले मासु मात्र दूषित दिदैन्न । विभिन्न मिश्राबट गरिएका मासु विक्री वितरण गरी ठगी पनि गरिरहेका छन् । व्यपारीबाटै नागरिक ठगी रहदाँ पनि सबभन्दा नजिकका सरकार मुख दर्शक मात्र भएका छन् । स्थानीय सरकराले कानून दिईएका जिम्मेवारी पुरा गर्न सकिरहेका छैन् । यस विषयमा न कुनै पार्टिका नेता कार्यकर्ता नत नागरिक समाज नै बोल्न सकेका छन् । 

हुन त मधेश प्रदेशका अधिकांश मासु पसल मापदण्ड विपरीत सञ्चालन भएको पाइएको छ । भेटेरिनरी अस्पताल तथा पशुसेवा विज्ञ केन्द्र धनुषाको अगुवाइमा मंगलबारदेखि सुरु भएको अनुगमनका क्रममा जनकपुरधामस्थित रेल्वे स्टेशन क्षेत्रमा रहेका मासु पसलको अवस्थाबारे जानकारी लिइएको छ । केन्द्रका प्रमुख डा. सञ्जीवकुमार ठाकुरले अनुगमनका क्रममा अधिकांश पसलहरू दर्ता बिना सञ्चालनमा रहेको पाइएको बताए ।

उनले मासु जाँच सम्बन्धी ऐन नियमानुसार न्यूनतम मापदण्डसमेत पालना नगरेको र गुणस्तरहीन मासुसमेत भेटिएको बताए । “धनुषाको मासु बजारका समस्याका अनुगमन गरेका हौँ”, उनले भने, “जसमा अधिकांश व्यवासायीले न्यूनतम मापदण्ड पनि पालना नगरेको पायौँ, केहीलाई नियन्त्रणमा लिएका छौँ भने केहीलाई कार्यालयमा उपस्थित हुन निर्देशन दिएका छौँ ।” अनुगमनका क्रममा करिब ३० केजी दूषित मासु नष्ट गरिएको छ ।

पशुपंक्षी रोग अन्वेषण प्रयोगशाला धनुषामा कार्यरत डा. राकेश मोहन सिंहले नियन्त्रणमा लिइएका मासु परीक्षणका लागि नमूना प्रयोगशालामा पठाइएको बताए । घरेलु तथा साना उद्योग कार्यालय धनुषाका सूचना अधिकारी मनोजकुमार कर्णले अनुगमन गरिएका पसलमध्ये अधिकांश दर्ता बिना सञ्चालन भइरहेको पाइएको बताए । उनले जिउँदो कुखुरा बेच्ने अनुमति लिए पनि मासु काटेर बेच्ने गरेको, मासु र अण्डा एकै ठाउँमा राखेर बिक्री गरिरहेको पाइएपछि दर्ता गरी मापदण्ड अनुसार सञ्चालन गर्न निर्देशन दिएको बताए ।

पशु सेवा विज्ञ केन्द्र प्रमुख डा. ठाकुरले पहिलो चरणमा जनकपुरधाम बजार क्षेत्रमा र त्यसपछि अन्य स्थानमा अनुगमन गरिने बताए । अनुगमनमा मासु पसल, भेटेरेनरी र डेरीको अनुगमन गरिने उनको भनाइ छ । अनुगमन टोलीमा जिल्ला प्रशासन कार्यालय धनुषासहित सरोकारवालाका प्रमुख एवं प्रतिनिधिहरूको सहभागिता थियो।

त्यस्तै मधेश प्रदेशका सप्तरीको राजविराज, सिरहाको सिरहा र लहान, महोत्तरीको जलेश्वर, सर्लाहीको मलंगवा, रौतहटको गौर, कलैया र वीरगञ्ज लगायतका स्थानमा पनि अस्वस्थ्यकर मासु खान सर्वसाधारण बाध्य छन् । चाडबाडको बेला सरकारी निकायले अनुगमन गरेपछि उनीहरु सतर्क हुने र वर्षभरि आफूखुशी मासु बेच्नेहरु सरकारी कर्मचारीको गैर जिम्मेवारीको नतिजा रहेको स्थानीयहरु बताउँछन् ।