कारसँग ठाेक्किएर रात्री बस त्रिशुली किनारमा खस्यो

• जेठ ३२, २०८१ | ६५१ पटक पढिएको | सीमा संदेश

चितवनको इच्छाकामना गाउँपालिका ३ फिस्लिङ र मौवा खोला बीचमा कार र बस ठक्कर खाँदा त्रिशुली किनारामा बस खसेको छ ।

इलाका प्रहरी कार्यालय मुग्लिनका अनुसार आज बिहान करिब सात बजे काठमाडौंबाट मुग्लिनतर्फ आउँदै गरेको बा प्र ०१–०२९ च ३७२० नम्बरको कार र नेपालगञ्जबाट काठमाडौँ जाँदै गरेको भे १ ख ४०६२ रात्री बस ठक्कर खाएको थियो । बसमा ३५ जना र कारमा ५ जना यात्रु रहेका जनाइएको छ ।

दुर्घटनामा १३ जना घाइते भएको प्रहरीले जानकारी दिएको छ । उनीहरुलाई चितवनका विभिन्न अस्पतालमा उपचार भइरहेको जनाइएको छ । घाइतेमध्ये अधिकांशको अवस्था सामान्य रहेको जनाइएको छ ।