सिरहा नगरपालिकाद्धारा १ अर्व ६ करोड बढीको बजेट सार्वजनिक

• असार ७, २०८१ | ६४५ पटक पढिएको | बैधनाथ कुमार यादब

सिरहा, ०७ असार । सिरहा नगरपालिकाले स्थानीय संचालन ऐन २०७४ को व्यवस्था अनुसार सिरहा जिल्लामै सबभन्दा पहिले बजेट ल्याउन सफल भएको हो । आर्थिक बर्ष २०८१/०८२ को लागि त्यहाँका जनप्रतिनीधिहरु र कर्मचारीहरुको कुशल कार्य सम्पादनलाई झल्काएको छ । अन्य स्थानीय तहहरु असार १० गते बजेट ल्याउने तरखरमै रहेको बेला सिरहा नगरपालिकाले १ अर्व ६ करोड बढी बजेट ल्याएको हो । 

शुक्रबार सिरहा नगरपालिकाका नगर प्रमुख डा. नवीन कुमार यादबले आर्थिक बर्ष २०८१÷०८२ को लागि १ अर्व ६ करोड ६९ लाख ८१ हजार ८९४ रुपैयाँको बजेट ल्याएको हो । नगरपालिकाका जनप्रतिनीधिहरुको सँयुक्त प्रयासले असार ७ गते नै बजेट ल्याउन सफल भएको हो ।

शिक्षा, स्वास्थ्य र कृषिलाई पहिलो प्राथमिकतामा राखि बजेट सार्वजनिक गरिएको हो । गरिबीको रेखामुनी रहेका नागरिकलाई माथि उकास्नको लागि विभिन्न योजना तहत कार्य गरी समृद्ध तथा समउन्नत पालिका निर्माण गर्ने मेयर यादबले बताए । 

८ औँ नगरसभामा नीति कार्यक्रम प्रस्तुत गर्दै उपप्रमुख बबिता कुमारी साहले महिला हकहिक, महिला संरक्षण, महिला उद्यमी र महिला सरोकारको विषयलाई नीति तथा बजेटमा समावेश गरिएको बताईन् । उनले न्यायिक समितिमा प्रखर पहुँच बनाउनको लागि नयाँ अभियानहरु समेत सँचालन गरिने बतार्र्ईन् ।

उनले महिला अधिकार र महिलाहरुलाई उद्यमी बनाउने मूल लक्ष्यसहित आयआर्जनका नीतिलाई प्राथमिकताका साथ अवलम्बन गर्ने गरी नीति कार्यक्रम ल्याएको बताए । सिरहा नगरपालिकाको नागरिकको लागि आर्थिक समृद्धि मूलमन्त्रलाई आत्मसात गरिने प्रमुख प्रशासकीय अधिकृत बलिराम यादबले बताए । 

भौतिक पूर्वाधार क्षेत्रमा तीव्र विकास निर्माण गरेको बताउँदै यसपालीको बजेटलाई किसानमुखी बनाइएको बताए । कृषि क्षेत्रलाई लक्षित गरी नीति योजना सँचालन हुने सके सिरहा समृद्ध हुने विश्वास उनले लिए ।  

सभामा सबै वडाका वडाध्यक्ष, वडा सदस्य, कार्यपालिका सदस्य, सम्पूर्ण कर्मचारीहरु, स्थानीय बुद्धिजीवीहरु, राजनीतिक दलका प्रतिनीधिहरुको समेत उपस्थिति रहेको थियो । सभाबाटै सिरहा नगपालिका भित्रका उत्कृष्ट विद्यालय, सामाजिक संस्था, व्यपारी, रिटाइड शिक्षा तथा पालिकाका कर्मचारीलाई पनि सामान गरिएको छ ।