अनुष्का हाँसो रोक्नै नसक्ने मस्यामा

• असार १४, २०८१ | ६०५ पटक पढिएको | सीमा संदेश

दक्षिण भारतीय फिल्मकी चर्चित अभिनेत्री अनुष्का शेट्टी पछिल्लो समय हाँसो रोक्न सक्दिनन्। केही कुरामा हाँस उठ्यो भने उनी करिब १०/१५ मिनेटसम्म हाँसेको हाँस्यै हुन्छिन्।

बाहुबलीमा समेत काम गरेकी अनुष्कालाई दुर्लभ रोगका कारण यस्तो समस्या आइपरेको हो। हालै उनले आफूलाई हाँसोसम्बन्धी रोग लागेको सञ्चार माध्यमका साथ खुलाएकी छन्।

‘मलाई हाँसो रोक्नै नसक्ने दुर्लभ रोग लागेको छ। जब म कुनै हाँस उठ्ने कुरा देखेर हाँस्छु, सुटिङको क्रममा हाँसे भने फेरि सामान्य अवस्थामा फर्किन १५/२० मिनेट लाग्छ,’ उनले खुलाएकी छन्, ‘जसका कारण धेरै पटक सुटिङ नै छोड्नुपरेको छ।’

उनले आफूलाई सुडोबुलबर इफेक्ट (बीपीए) नामक रोग लागेको बताएकी छन्। जसका कारण उनलाई दैनिक जीवनमा असर परेको छ। पछिल्लो समय उनी फिल्म मिस शेट्टी मिस्टर पोली शेट्टीमा देखिएकी थिइन्।

अनुष्काले सामाना गरिरहेको बीपीए मस्तिष्कसँग जोडिएको रोग हो। जसको सिधा असर मानिसको दिमागमा पर्दछ। यस्तो अवस्थामा मानिसहरू आफ्नो हाँसो र रुवाईलाई नियन्त्रण गर्न सक्दैनन्।