काँग्रेस सभापति देउवाको घर अगाडी शंकास्पद वस्तु फेला, भेटियो माओवादीको पर्चा

• भदौ ९, २०८१ | ४०४ पटक पढिएको | सीमा संदेश

धनगढी ।  कांग्रेसका सभापति देउवा निवास अगाडि शँकास्पद वस्तु फेला परेको छ । 

धनगढी उपमहानगरपालिका वडा नम्बर ४ स्थित कर्मचारी सञ्चय कोष नजिकै रहेको देउवा निवास अगाडि शनिबार राति करिब १ बजेको समयमा शंकास्पद वस्तु फेला परेको प्रहरीले बताएको छ ।

कैलालीका प्रमुख प्रहरी उपरीक्षक पदमबहादुर बिष्टले पूरानो झोलामा तार बेरिएको अवस्थामा शंकास्पद वस्तु भेटिएको पुष्ठि गरेका छन तर उक्त वस्तु के हो ? भन्ने कुरा अहिलेसम्म स्पष्ट उनले बताए ।

उक्त शंकास्पद वस्तुलाई निष्क्रिय पार्न नेपाली सेनाको बम  डिस्पोजल टोलीलाई बोलाइने प्रहरीले जनाएको छ अहिले उक्त देउवा निवासमा देउवाका भतिज सुदूरपश्चिमका पूर्व भौतिक पुर्वाधार मन्त्री प्रकाशबहादुर देउवा बस्दै आएका छन  । 

उक्त घटना नेकपा (माओवादी) कैलाली जिल्ला समितिले जनकार्वाही स्वरुप राखिएको बताएको छ । नेकपा माओवादीको केन्द्रिय घोषित कार्यक्रम भ्रष्ट र दलाहरुलाइ कार्वाही गर्ने नितिअनुसार नै गरिएको माओवादी जिल्ला स्रोतले बताएको छ भने घटना स्थलमा नेकपा माओवादीको पर्चा समेत भेटिएको छ ।