गोलबजारमा लुटेरा समूहले कुटपीट गरी धनमाल लुट्यो

• भदौ १८, २०८१ | २८४ पटक पढिएको | सीमा संदेश

सिरहा, १८ भदौ। सिरहाको गोलबजार नगरपालिका १ मुक्सार बैहिरीवानमा लुटेराको एक समूहले धनमाल लुटेपाट गरेको छ। स्थानीय जागेश्वर रामको घरमा राती १२ बजेको आसपासमा १२/१५ जनाको समूहमा आएका लुटेराहरुले १२ हजार नगद, सुन र चाँदीका गहनाहरु लुटेर लगेका हुन्।

लुटेरासमूहले जागेश्वरलाई कुटपीटगरी उनको मोवाई नियन्त्रणमा लिएर नगद, चाँदी र सुनका गहना लुटेर लगेको स्थानीय शिक्षक सागर पूर्वेले जानकारी दिए। शिक्षक पुर्वेले जागेश्वरलाई कुटपीट गरेर मोवाईल नियन्त्रणमा लिई सामान लुटेर गरेको र भाग्ने वेलामा भने मोवाईल छोवडेर भागेको भन्ने आफूले जानकारी पाएको बताए।

घटना लगतै मुक्सारमै रहेको प्रहरी चौकीमा फोन गरे पनि ४ घण्टा पछिमात्र प्रहरी आईपुगेको स्थानीयले बताए। उनीहरुले घटना लगतै मुक्सार प्रहरी चौकीलाई फोनमार्फत घटनाको जानकारी गराएपनि प्रहरी विहान ४ बजे पछिमात्र आईपुगेको दुखेसो गरे।

इलाका प्रहरी कार्यालय गोलजबरलेभने सामान्य चोरीको घटना भएको जानकारी दिए। इलाका प्रमुख इन्सपेक्टर सुनिल कार्कीले ‘सामान्य चोरी भएको भन्ने सूचना आएको थियो, टोलि गएको छ। हामी सोधखोज गर्दैछौं; भने।

उनले आफू अहिले कार्यालय बाहिर रहेकाले घटनाको बारेमा सवै जानकारी प्राप्त नभएको पनि सुनाए।