गर्मि बढेसँगै आँखाका विरामी संख्या उच्च, एकै दिनमा शिविरमा ८०५ जनाका जाँच

• भदौ २५, २०८१ | ४५३ पटक पढिएको | सीमा संदेश

सिरहा, २५ भदौ । तराई मधेशमा केही दिन देखी बढेको गर्मिका कारण आँखाका विरामीको संख्या उच्च देखिएको छ । सिरहा नगरपालिका वडा नं. २ मा हेल्पिंग हर्ट संस्थाद्धारा आयोजना गरिएको आँखा शिविरमा एकै दिनमा ८ सय ५ जनाले आँखा जाँच गराएका छन् ।

सिरहा नगरपालिका वडा नं. १ मा रहेको आँखा उचार केन्द्र नजिक भएपनि यति धेरै संख्यामा आँखा विरामी हुनु गर्मिकै कारण आँखामा समस्या देखिएको वडा नं. २ को वडाअध्यक्ष राकेश यादबले बताए । 

आँखा संक्रमणका विरामी संख्या वृद्धि भईरहेको वेला वडालाई लक्षी गरी शिविर संचालन गरी सहयोग गरेकोमा हेल्पिंग हर्ट संस्थालाई वडाअधयक्ष यादबले धन्यवाद दिइए । मोतिया विन्दु जस्ता रोगबाट संक्रमितहरुलाई लहानको चौधरी आँखा अस्पतालमा अपरेशानका लागि सम्पूर्ण व्यवस्था मिलाउन यादबले बताए ।

शिविरमा जाँच गराएकाहरुबाट कुनै पनि शुल्क नलिई युएसेबाट आएको आर्थिक सहयोगबाट शिविर संचालन गरिएको आयोजक संस्थाको उपाध्यक्ष मो. कलहाले बताए ।

शिविरमा १ सय ५ जनामा मोतिया विन्दु  रोग भेटिएको, २ सय ४० जनामा सामान्य आँखा पाक्ने जस्ता विरामीलाई औषधी वितरण गरेको र ४ सय ६० जनालाई जाँच गरी सल्लाह सुझाव दिइएको कलहाले जानकारी दिनु भयो।