यस्तो छ कार्तिक आर्यन र तृप्ति डिमरीको हरर कमेडी ‘भुलभुलैया ३’ को ट्रेलर

• असोज २४, २०८१ | ५६३ पटक पढिएको | सीमा संदेश

कार्तिक आर्यन स्टारर बलिउड फिल्म ‘भुल भुलैया ३’ को ट्रेलर सार्वजनिक भएको छ । ३ मिनेट ५० सेकेन्डको यो ट्रेलर कमेडीले भरिपूर्ण छ । तर, यदि तपाईं डरलाग्दो दृश्यको लागि प्रतीक्षामा हुनुहुन्थ्यो भने, तपाईं निराश हुनसक्नुहुन्छ ।

यो हरर कमेडी फिल्मको ट्रेलरको सुरुवात सिंहासनबारेको संवादबाट सुरु हुन्छ । त्यसपछि सबै पात्रको परिचय गराइन्छ । कार्तिकले फेरि एक पटक रूह बाबाको भूमिका निर्वाह गरेका छन् जो भूत बस्ने हवेलीबाट भूतलाई भगाउन र केही रहस्यपूर्ण समस्या समाधान गर्दै गरेको देखिएको छ ।

ट्रेलरमा विद्या बालन मन्जुलिकाको भूमिकामा फर्किएकी छिन् । उनको भूमिका डरलाग्दो देखाइएको छ । माधुरी दीक्षितले मञ्जुलिकालाई सरप्राइज दिएकी छिन् । फिल्ममा रुह बाबा र तृप्ति डिमरीबीचको लभ केमेस्ट्री देख्न सकिन्छ । विजय राज र राजपाल यादव पनि देखिएका छन् ।

यो फिल्म तिहारको अवसरमा कात्तिक १६ गते रिलिज हुँदैछ । उक्त दिनमा यो फिल्मसँगै अजय देवगणको फिल्म ‘सिंघम अगेन’सँग हुनेछ ।