सिरहा सदरमुकाममा निर्माण भएको करोडैँको नाला बजारको डम्पिंगसाईड

• कार्तिक २६, २०८१ | ३५६ पटक पढिएको | सीमा संदेश

सिरहा, २६ कार्तिक । सिरहा सदरमुकाममा सिरहा माडर चोहर्वा सडक खण्डको बजार क्षेत्रमा करोडैँ लागतमा निर्माण भएको ढल निकाष नाला बजार क्षेत्रको डम्पिंगसाईडको रुपमा परिणत भएको छ । ढल निकाषका लागि निर्माण गरिएको नालामा पानी जमेर बजार क्षेत्र नै दुग्धिंत भएपछि  स्थानीयवासिलाई समस्या भएका छन् । 

नाला निर्माण देखि नै स्थानीयवासिहरुले निर्माण डिजाइन माथि प्रश्न गर्दै आएपनि ठेकेदार कम्पनीका कर्मचारीहरुले कुनै वास्ता गरेनन् । डम्पिंकका रुपमा रहेको पानी तथा फोहर जमेका नालालाई सल्याब राखि छोप्ने कार्य भईरहदा नगरवासिहरु थप आक्रोस भएका छन् ।

नगरवासिहरुले नाला लाई सरसफाई गरी मात्र छोप्ने कार्य गरौँ भने प्रस्ताव राख्दा पनि ठेकेदार कर्मचारीले प्रस्तावको कुनै वास्ता नगरेको स्थानीय सिताराम ठाकुरले बताए । नालाको फोहर सफा नगरी छोप्ने कार्य भईरहेकोले भोलीको दिनमा पानीको निकास नहुने बजारको व्यपारी छेदिलालले बताए ।

डम्पिंगको रुपमा पानी जमेको नालामा फोहर भरेकोले पानी निकास नहुने र लाम्खुट्टे  प्रकोप बढने तथा बजार क्षेत्र दग्धिंत हुने भएकोले नगरपालिकाको ध्यान अहिले जानुपर्ने स्थानीयवासिहरुका भनाईरहेका छन् ।

सडक डिभिजन कार्यालय लहानको मतहतमा निर्माण कार्य सगमाथा, सजिव, पोलस्टार, जे. भि. ले गरिरहेका छन् । ड्न, फुटपाथ र रोड सेफटी कार्यका लागि रु. ८ करोड १४ लाख १२ हजार ५ सय ४४ रुपैयाँको लागतमा निर्माण कार्य भईरहेको छ ।

हाल सम्मको निर्माण कार्यलाई स्थानीयहरुले वालुवामा पानी हल्लेको जस्तो संज्ञ दिईरहेको छ भने चरम भ्रष्टाचार भईरहकेो बताउँछन् ।