उखुको समर्थन मूल्य प्रतिक्विन्टल ५८५ रुपैयाँ निर्धारण

• मंसिर १४, २०८१ | ५७५ पटक पढिएको | सीमा संदेश

उखुको समर्थन मूल्य निर्धारण गरेको छ । गत वर्षभन्दा २० रुपैयाँले वृद्धि गर्दै सरकारले नयाँ मूल्य प्रतिक्विन्टल ५८५ रुपैयाँ तोकेको हो ।

सरकारले यस वर्ष उखुको समर्थन मूल्य निर्धारण गरेको छ । गत वर्षभन्दा २० रुपैयाँले वृद्धि गर्दै सरकारले नयाँ मूल्य प्रतिक्विन्टल ५८५ रुपैयाँ तोकेको हो ।

बिहीबार बसेको मन्त्रिपरिषद्को बैठकले यो निर्णय गरेको हो । उद्योगहरूले किसानलाई सोही मूल्यमा भुक्तानी दिनुपर्नेछ।

तर, उखु किसानलाई अनुदानस्वरूप प्रदान गरिने रकमको निर्णय भने अझै बाँकी छ । कृषि तथा पशुपक्षी विकासमन्त्री रामनाथ अधिकारीले किसानलाई दिइने अनुदान वृद्धि गर्नुपर्ने प्रस्ताव राखेका छन्। मुलुकको आर्थिक अवस्थालाई मध्यनजर गर्दै अनुदानबारे पछि टुंगो लगाइने मन्त्रिपरिषद्ले जनाएको छ।

यसअघि, सरकारले उखु किसानलाई प्रतिक्विन्टल ७० रुपैयाँ अनुदान दिने व्यवस्था गरेको थियो। उक्त रकम उद्योगीमार्फत किसानसम्म पु¥याउने गरिन्थ्यो ।