थाहा पाउनुहोस् तपाईंको आजको राशिफल

• पुस १७, २०८१ | ४०४ पटक पढिएको | सीमा संदेश

नमोः भगवते बासुदेवाय 

आज विक्रम संवत २०८१ साल, पौष १७ गते,  बुधबार । ईश्वी सन् २०२५ जनवरी १ तारिख । नेपाल संवत् ११४५ । कालयुक्तनाम संवत्सर । दक्षिणायनं । हेमन्त ऋतु । श्रीशाके १९४६ । पौष शुक्लपक्ष । तिथि–द्धितीया, ५१ घडी १० पला, रातको ३ बजेर २५ मिनेट उप्रान्त तृतीया । नक्षत्र– उत्तराषाढा, ४५ घडी ४३ पला, रातको १ बजेर १३ मिनेट उप्रान्त श्रवण । योग–व्याघात, २९ घडी ५६ पला, बेलुकी ६ बजेर ५५ मिनेट उप्रान्त हर्षण । करण– बालव, दिउसो ३ बजेर ४७ मिनेट उप्रान्त कौलव, रातको ३ बजेर २५ मिनेट उप्रान्त तैतिल । आनन्दादिमा–वज्र योग । चन्द्रराशि–धनु , बिहान ७ बजेर १७ मिनेट उप्रान्त मकर । काठंमाडौमा सूर्योदय बिहान ०६ बजेर ५६ मिनेट । सूर्यास्त बेलुकी ५ बजेर १८ मिनेट । दिनमान २५ घडी ५५ पला ।

आजको बार बेला  
बिहान ०६ बजेर ५६ मिनेटसम्म लाभ बेला ।
बिहान ६ बजेर ५७ मिनेटदेखि बिहान ८ बजेर १४ मिनेटसम्म अमृत बेला ।
बिहान ८ बजेर १५ मिनेटदेखि बिहान ९ बजेर ३२ मिनेटसम्म काल बेला ।
बिहान ०९ बजेर ३३ मिनेटदेखि बिहान १० बजेर ५० मिनेटसम्म शुभ बेला ।
बिहान १० बजेर ५१ मिनेटदेखि बिहान १२ बजेर ७ मिनेटसम्म रोग बेला ।
मध्यान्ह १२ बजेर ८ मिनेटदेखि दिउँसो १ बजेर २५ मिनेटसम्म उद्धेग बेला ।
दिउँसो १ बजेर २६  मिनेटदेखि दिउँसो २ बजेर ४३ मिनेटसम्म चर बेला ।
दिउँसो २ बजेर ४४ मिनेटदेखि बेलुकी ४ बजेर ०१ मिनेटसम्म लाभ बेला ।
बेलुकी ४ बजेर २ मिनेटदेखि बेलुकी ७ बजेर ०१ मिनेटसम्म उद्धेग बेला ।
नोट :  शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

राहुकाल
दिउँसो १२ बजेर ७ मिनेटदेखि दिउँसो १ बजेर २५ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य नगर्नुहोला ।

ब्रम्हा मुहुर्त
बिहान ५ बजेर २० मिनेटदेखि बिहान ६ बजेर ८ मिनेटसम्म ब्रम्हा मुहुर्त रहनेछ ।

आजको राशिफल
मेष (चु, चे,चो,ला,लि,लु,ले,लो,अ) स्वास्थ्य कमजोर रहने र पारिवारिक स्वास्थ्यमा धन खर्च हुनेछ । जग्गा तथा सवारी साधन सम्बन्धि झमेलामा फस्ने ग्रहयोग रहेकोले ख्याल गरेर काम गर्नुहोला । राजनीति तथा समाजसेवामा जनताको काम गर्दा गर्दै आलोचनाको शिकार होइनेछ । माया प्रेममा एक अर्कालाई विश्वास गर्न नसक्दा छुट्टिनु पर्ने बाध्यता आउनेछ । तरपनि समयको सदुपयोग गर्दै परिवार तथा आफन्तका साथ समय व्यतित हुने तथा रमाईलो ठाउको भ्रमण हुनेछ ।

बृष (इ,ऊ,ए,ओ,वा,वी,वु,वे,वो) आकस्मिक धन सम्पत्ति प्राप्त हुनेछ भने नसोचेको धन तथा सम्पत्ति हात लाग्ने योग रहेको छ । समस्याहरुको सजिलै समाधान गरि उपलब्धिमूलक कामहरु गर्न सकिनेछ । अध्ययन अनुसन्धानमा सोचेभन्दा राम्रो प्रगति हुन तथा नयाँ कुरा पत्ता लगाउन सकिनेछ । व्यापार व्यवसाय फस्टाएर जानेछ भने प्रतिफल प्राप्त हुनेछ । धार्मिक क्षेत्र तथा मन्दिरतिरको यात्राको तय गर्न सकिनेछ । साझपख परिवार तथा आफन्तका साथ भेटघाट, खानपान तथा मनोरञ्जनमा समय व्यतित हुनेछ ।

मिथुन (का,कि,कु,घ,ङ,छ,के,को,हां) पुराना लगानी गरिएका रकमहरु उठ्नाले अन्य क्षेत्रमा लगानी गर्ने बाटो खुल्नेछ । माया प्रेममा एक अर्कालाई केही समय शंका तथा अविश्वास गरेपनि अन्तत विश्वास गर्दै अगाडि बढ्न सकिनेछ । व्यापार व्यवसाय फस्टाएर जानेछ भने समाजसेवामा पनि समय खर्च हुनेछ । लामो दुरीको धार्मिक तथा शैक्षिक यात्रा हुने प्रशस्त सम्भावना रहेकोछ भने विदेशमा बसेर प्राविधिक शिक्षा अध्ययन गर्दै हुनुहुन्छ भने समय फलदायी रहेको छ ।

कर्कट (हि,हु,हे,हो,डा,डि,डु,डे,डो) पढाइ लेखाइमा भनेजस्तो नतिजा हात लाग्ने हुनाले आफन्त तथा अग्रजहरु खुशी रहनेछन् । पारिवारिक यात्राका क्रममा स्वादिष्ट भोजन ग्रहण गर्ने अवसर प्राप्त हुनेछ । माया प्रेममा सामिप्यता बढेर जानेछ भने पति पत्नीबीच मायाको डोरो कसिलो हुनेछ । सामाजिक सञ्जाल तथा प्रविधिको प्रयोग मार्फत आफ्ना विचारहरु जनमानसमा लैजान सकिनेछ । एकल तथा साझेदारी व्यापार व्यावसायमा लगानी गरी प्रशस्त नाफा कमाउन सकिनेछ । शेयर बजार तथा बित्तिीय क्षेत्रमा गरिने लगानीबाट आम्दानी बढाउन सकिनेछ ।

सिंह (मा,मी,मु,मे,मो,टा,टि,टु,टे) कुनैपनि कामलाई पुनः गर्नु पर्दा मानसिक तनाव बढ्नेछ । पुराना रोगहरु फेरि बल्झन सक्छ, ध्यान दिनुहोला । रकम लगानी गर्नको लागी केही समय पर्खनु नै उचित रहेको छ । व्यापार व्यवसायमा भनेजस्तो आम्दानी नहुँदा आर्थिक अवस्था खस्कनेछ । प्रेममा एक अर्कालाई बुझ्न नसक्दा केही समयको लागि टाडिनु पर्ने हुन सक्छ । कुनै पनि विवादमा सामेल भए हारिने सम्भावना रहनेछ ।

कन्या (टो,पा,पि,पु,ष,ण,ठ,पे,पो) सन्तान बृद्धिको योग रहेको छ धने सन्तानको प्रगति देख्न पाइनेछ । धर्म शास्त्र तथा अध्यात्म ज्ञानमा विषेश चासो बढ्नेछ । प्रेम गर्ने जोडीहरुले आफ्ना भावना खुलेरै साटासाट गर्नको लागी समयले साथ दिनेछ भने उपहार पाइने हुनाले मन प्रशन्न हुनेछ । समयको सदुपयोग गर्दै परिवार तथा आफन्तका साथ समय व्यतित हुने तथा रमाइलो ठाउँको भ्रमण हुनेछ । पहिरन तथा गरगहनाको व्यवसायमा उल्लेख्य बृद्धि हुनेछ ।

तुला (रा,रि,रु,रे,रो,ता,ति,तु,ते) राजनीति तथा समाजसेवामा परिश्रम गरे अनुसार पद प्रतिष्ठा पाइने हुनाले मन प्रशन्न हुनेछ । व्यापार व्यवसायमा मनग्गे धन आर्जन गर्न सकिने तथा कृषि तथा पशुपालन व्यवसायमा समय लगानी गर्नेहरुले भनेजस्तो आम्दानी गर्न सक्नेछन् । माया प्रेममा नजिक हुने समय रहेकोछ भने पति पत्नीबीच मायाको डोरो कसिलो भएर जानेछ । परिवार तथा आफन्तका साथ समय व्यतित हुने तथा रमाइलो ठाउको भ्रमण हुनेछ ।

बृश्चिक (तो,ना,नि,नु,ने,नो,या,यि,यु)  तपाईंले शुरु गरेको काममा आफन्त तथा दाजुभाइको सहयोग तथा समर्थन पाइनेछ । विवादित विषयहरु तपाईँ आफ्नै पक्षमा निर्णय हुनेछन् । प्रेममा नजिक हुने समय रहेकोछ भने लामो समयदेखि भेट नभएका मित्रहरु भेटिने हुँदा मन प्रशन्न रहनेछ । प्रविधिको प्रयोग गरि आफ्ना भनाइहरु जनमानसमा लैजान सकिनेछ । र,पनि यात्रा गर्दा ध्यान दिनुहोला । खानपानमा ध्यान नदिए स्वास्थ्यमा समस्या आउन सक्छ । वित्तीय क्षेत्रमा लगानीका लागी केही समय पर्खनु नै राम्रो रहनेछ ।

धनु (ये,यो,भा,भी,भू,ध,फा,ढा,भे)  प्रतिष्ठित काम गर्ने अवसर जुर्नेछ । बोलेर गर्ने कुनैपनि पेशा व्यावसाय फस्टाएर जानेछ । समय अनुशार विचार सिर्जना गर्न सकिने हुँदा धेरैको मन जित्न सकिनेछ । कुटुम्ब तथा आफन्तसँग मिलेर गर्ने कुनै पनि व्यवसाय फस्टाएर जानेछ भने आर्थिक अवस्थामा सुधार भएर जानेछ । प्रेममा रमाउन चाहनेहरुका लागी समय राम्रो रहेकोछ । गीत संगित तथा मोडलिङ पेशा व्यवसायबाट भनेजस्तो आम्दानी हुनेछ ।

मकर (भो,जा,जि,जु,जे,जो,ख,खि,खु,खे,खो,गा,गी) व्यापार व्यवसायमा लगानी गरी मनग्गे धन संग्रह गर्न सकिनेछ । विद्यार्थीहरुले मेहनेत गरी राम्रो नतिजा हात पार्न सक्नेछन् । माया प्रेममा सामिप्यता बढेर जानेछ भने परिवार तथा आत्मीय मित्रसाथ रमाइलो यात्रा हुनेछ । भौतिक सम्पत्ति तथा सवारी साधन प्राप्तिको योग रहेको छ । सबैको सहयोग पाइने हुनाले काम गर्न जोस जागर आउनेछ । सामाजिक काममा दिन बित्ने हुँदा मन प्रशन्न रहनेछ ।

कुम्भ (गु,गे,गो,सा,सी,सु,से,सो,दा) लामो दुरीको विदेश यात्रा तय हुनेछ । विदेशमा बसेर पेशा व्यवसाय गर्ने तथा अध्ययन गर्नेहरुका लागी दिन फलदायी रहनेछ । खर्च बढेपनि उपलब्धिमूलक कामहरु हुनेछन् । अग्रज आफन्त तथा साथीभाइका साथ रमाइलो गर्दै दिन कटाउन सकिनेछ भने मिष्ठान्न भोजन ग्रहण गर्ने अवसर जुर्नेछ । र, पनि आफ्नो वा आफन्तको स्वास्थ्यमा समस्या आई औषधि उपचार खर्च बढ्ने योग छ ।

मीन (दि,दु,थ,झ,ञ,दे,दो,चा,ची) दाजुभाई वा अग्रजहरुको सुझाव तथा सल्लाह मानेर अगाडि बढ्दा सफलता पाउन सकिनेछ । वौद्धिकता प्रयोग गरी समाजमा राम्रा काम गरेर देखाउन सकिनेछ भने आशा मारेको काम बन्नाले उत्साह जाग्नेछ । समयको सदुपयोग गर्दै परिवार तथा आफन्तका साथ समय व्यतित हुने तथा रमाइलो ठाउँको भ्रमण हुनेछ । भौतिक सम्पत्तिहरु जुट्नेछन् भने उपहार प्राप्त हुने योग छ  । नयाँ कामहरु गरेर आम्दानीका स्रोतहरु बढाउन सकिनेछ ।

तपाईंको दिन शुभ रहोस् ।
-ज्योतिषी दुर्गा प्रसाद भण्डारी