माघ ५ गते शनिबार, यस्तो छ तपाईको राशिफल

• माघ ५, २०८१ | ३५६ पटक पढिएको | सीमा संदेश

विक्रम संवत २०८१ साल माघ ५ गते, शनिबार । ईश्वी सन् २०२५ जनवरी १८ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । तिथि–पंचमी, अहोरात्र । नक्षत्र– पूर्वाफाल्गुनी, २१ घडी ० पला, दिउँसो ३ बजेर २१ मिनेट उप्रान्त उत्तराफाल्गुनी । योग–शोभन, ४७ घडी ३९ पला, रातको २ बजेर १ मिनेट उप्रान्त अतिगण्ड । करण–कौलव, बेलुकी ६ बजेर २६ मिनेट उप्रान्त तैतिल । आनन्दादिमा–लुम्ब योग । चन्द्रराशि–सिंह, बेलुकी ९ बजेर ५३ मिनेट उप्रान्त कन्या । काठमाडौंमा सूर्योदय बिहान ०६ बजेर ५७ मिनेट । सूर्यास्त बेलुकी ५ बजेर ३१ मिनेट । दिनमान २६ घडी २६ पला ।  

आजको बार बेला  
बिहान ०६ बजेर ५७ मिनेटसम्म काल बेला ।
बिहान ६ बजेर ५८ मिनेटदेखि बिहान ८ बजेर १७ मिनेटसम्म शुभ बेला ।
बिहान ८ बजेर १८ मिनेटदेखि बिहान ९ बजेर ३६ मिनेटसम्म रोग बेला ।
बिहान ०९ बजेर ३७ मिनेटदेखि बिहान १० बजेर ५५ मिनेटसम्म उद्धेग बेला ।
बिहान १० बजेर ५६ मिनेटदेखि बिहान १२ बजेर १५ मिनेटसम्म चर बेला ।
मध्यान्ह १२ बजेर १६ मिनेटदेखि दिउँसो १ बजेर ३४ मिनेटसम्म लाभ बेला ।
दिउँसो १ बजेर ३५ मिनेटदेखि दिउँसो २ बजेर ५३ मिनेटसम्म अमृत बेला ।
दिउँसो २ बजेर ५४ मिनेटदेखिबेलुकी ४ बजेर १२ मिनेटसम्म काल बेला ।
बेलुकी ४ बजेर १३ मिनेटदेखि  बेलुकी ७ बजेर १२ मिनेटसम्म लाभ बेला ।
नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

राहुकाल
बिहान ९ बजेर ३६ मिनेटदेखि बिहान १० बजेर ५५ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य नगर्नुहोला ।

ब्रम्हा मुहुर्त
बिहान ५ बजेर २२ मिनेटदेखि बिहान ६ बजेर १० मिनेटसम्म ब्रम्हा मुहुर्त रहनेछ ।

आजको राशिफल
मेष (चु,चे,चो,ला,लि,लु,ले,लो,अ) अध्ययन अध्यापनमा रुची बढ्नेछ भने विद्या तथा प्रतिस्पर्धामा तपाईंकै नाम अग्र स्थानमा आउनेछ ।  काममा आफन्तको सहयोग मिल्नेछ । शत्रु र रोगबाट छुटकारा मिल्ने तथा न्यायिक निर्णयहरु तपाईंकै पक्षमा आउनेछन् । काम गर्ने उत्साह र हौसला बढ्नेछ । प्रेमी प्रेमिकाबीच सम्बन्धमा सुधार आउनेछ । सामाजिक सञ्जाल तथा प्रविधिको प्रयोगमार्फत आफ्ना विचारहरु जनमानसमा लैजान सकिनेछ । घुमघाम, खानपान तथा मनोरञ्जनमा समय व्यतित हुनेछ ।
बृष (इ,ऊ,ए,ओ,वा,वि,वु,वे,वों) आमा वा आफन्तको सहयोगले राम्रा तथा उपलब्धिमूलक कामहरु गर्न  सकिनेछ । घरजग्गा तथा सवारी साधनको जोड्न सकिने वा खरिद विक्रीबाट लाभ लिन सकिनेछ । व्यापारमा उल्लेख्य बृद्धि हुनेछ । पारिवारिक सम्बन्ध सुदृड हुनेछ भने प्रेममा रमाउन चाहनेहरुका लागी समयले साथ दिनेछ । राजनीति तथा सामाजिक काममा जनताको काम गर्न सकिने हुनाल प्रतिष्ठामा बृद्धि हुनेछ । शुभ तथा मांगलिक समारोहमा सहभागी भई मिष्ठान्न भोजन ग्रहण गर्न सकिनेछ ।

मिथुन (का, कि,कु,घ,ङ,छ,के,को,हा) बन्द व्यापारमा समय खर्चिए पनि भनेजस्तो आम्दानी नहुने हुनाले आर्थिक रुपमा पछि परिनेछ । प्रतिस्पर्धामा बढी नै तयारी गरेर सामेल हुनुहोला अरुभन्दा कमजोर सावित हुने योग रहेकोछ । माया प्रेममा नजिक हुन सकिने तथा भेटघाटमो अवसर जुर्नेछ । छोटो दुरीको रमाइलो यात्रा हुनेछ । बनभोज तथा मांगलिक समारोहमा सहभागी भई मिष्ठान्न भोजन ग्रहण गर्न सकिनेछ ।

कर्कट (हि,हु,हे,हो,डा,डी,डु,डे,डो) कुटुम्ब तथा वाणीभावमा गोचर गर्ने चन्द्रमाले कुटुम्बसँगको विग्रेको सम्बन्ध सुधार गर्न सकिनेछ भने बोलीको माध्ययमबाट राम्रा तथा परिणामूखि काम गर्न सकिनेछ । व्यवसाय फस्टाएर जानेछ भने आम्दानी बढ्ने तथा उठ्नु पर्ने रकम हात लागी हुनेछ । शुभ तथा मांगलिक कार्यमा सहभागी भई स्वादिष्ट भोजनका साथ रमाइलो वातावरणमा दिन कटाउन सकिनेछ । माया प्रेममा नजिक हुने समय रहेकोछ ।

सिंह (मा,मि,मु,मे,मो,टा,टि,टु,टे) नयाँ प्रविधिको प्रयोग गरी व्यापारलाई बिस्तार गर्न सकिनेछ । पढाइ लेखाइमा सुधार भएर जानेछ भने मेहनेतले गन्तव्य पहिल्याउन सहज हुनेछ । प्रेममा एक अर्कालाई बुझ्ने अवसर प्राप्त हुनेछ । राजनीति तथा समाजसेवामा समय लगानी गर्नेहरुले समयको सुक्ष्म व्यावस्थापन गर्न सके मान सम्मान तथा प्रतिष्ठा कमाउने समय रहेकोछ । खानपान तथा मनोरञ्जनमा समय व्यतित हुनेछ ।

कन्या (टो,पा,पि,पु,ष,ण,ठ,पे,पो) लामो दुरीको विदेश यात्रा तय हुनेछ । विदेशमा बसेर पेशा व्यवसाय गर्ने तथा अध्ययन गर्नेहरुका लागी दिन फलदायी रहनेछ । खर्च बढे पनि उपलब्धिमूलक कामहरु हुनेछन् । अग्रज आफन्त तथा साथीभाइका साथ रमाइलो गर्दै दिन कटाउन सकिनेछ भने मिष्ठान्न भोजन ग्रहण गर्ने अवसर जुर्नेछ । छोटो दुरीको धार्मिक यात्राको प्रसस्त सम्भावना छ ।

तुला (रा,रि,रु,रे,रो,ता,ति,तु,ते)  आफन्त तथा दाजुभाइसँग सामान्य कुरामा राय बाजिनेछ भने संयमित नभए अप्रिय घटना घट्न सक्छ । सवारी साधनको प्रयोग गर्दा ध्यान दिनुहोला सामान्य क्षती हुने योगछ । आफुलाई सहयोग परेको बेला सहयोग गर्नेहरु कमै भेटिनेछन् । पढाइ लेखाइमा प्रशस्त समय खर्चिए पनि भनेजस्तो नतिजा आउने छैन । र, पनि व्यापारबाट भनेजस्तो नाफा कमाउन सकिनेछ । धार्मिक यात्राको तय गर्न सकिनेछ ।

बृश्चिक (तो,ना,नि,नु,ने,नो,या,यी,यु) जानकारिको अभावले कामहरु बिग्रनेछ भने आलोचनाको शिकार होइनेछ । आर्थिक पक्ष कमजोर रहने तथा यहि बेलामा व्यापार व्यवसायमा मन्दी आउनेछ । आम्दानी भन्दा खर्च अधिक हुने हुनाले रुपैयाँ पैसाको व्यवस्थापन गर्न गाह्रो पर्नेछ । माया प्रेममा अविश्वास बढ्ने योग छ । राजनीति तथा समाजसेवामा जनताको काम गर्न नसक्दा मान सम्मान पाउने योग टरेर जानेछ । साझपख शुभ मांगलिक समारोहमा  सहभागी गर्ने अवसर जुर्नेछ ।

धनु (ये,यो,भा,भि,भू,ध,फा,ढा,भे) धार्मिक प्रतिष्ठान तथा मन्दिरतिरको यात्रा गरि टिका तथा प्रसाद ग्रहण गर्ने अवसर जुर्नेछ । साथीभाइ तथा आफन्तको सहयोगमा नयाँ योजना बनाई कार्यान्वयनको चरणमा लान सकिनेछ । खोज तथा अनुसन्धानको क्षेत्रमा राम्रो प्रगति हुने योग रहेकोछ । लामो दुरीको शैक्षिक तथा धार्मिक यात्राको प्रवल सम्भावना छ । भाग्यले साथ दिने हुँदा थोरै लगानीबाट पनि प्रशस्त रुपैयाँ पैसा कमाउन सकिने तथा आर्थिक रुपमा सबल हुने ग्रह योग छ ।

मकर (भो,जा,जि,जु,जे,जो,ख,खि,खु,खे,खो,गा,गी) पुराना लगानी गरिएका रकमहरु उठ्नाले अन्य क्षेत्रमा लगानी गर्ने बाटो खुल्नेछ । माया प्रेममा एक अर्कालाई केही समय शंका तथा अविश्वास गरे पनि अन्तत विश्वास गर्दै अगाडि बढ्न सकिनेछ । व्यापार व्यवसाय फस्टाएर जानेछ भने समाजसेवामा पनि समय खर्च हुनेछ । लामो दुरीको धार्मिक तथा शैक्षिक यात्रा हुने प्रशस्त सम्भावना रहेकोछ भने विदेशमा बसेर प्राविधिक शिक्षा अध्ध्ययन गर्दै हुनुहुन्छ भने समय फलदायी रहेकोछ ।

कुम्भ (गु,गे,गो,सा,सि,सु,से,सो,दा) एकल तथा साझेदारी व्यापार व्यवसायमा लगानी गरी प्रशस्त नाफा कमाउन सकिनेछ । पारिवारिक यात्राका क्रममा स्वादिष्ट भोजन ग्रहण गर्ने अवसर प्राप्त हुनेछ । माया प्रेममा सामिप्यता बढेर जानेछ भने पति पत्नीबीच मायाको डोरो कसिलो हुनेछ । सामाजिक सञ्जाल तथा प्रविधिको प्रयोग मार्फत आफ्ना विचारहरु जनमानसमा लैजान सकिनेछ । विवाह तथा मांगलिक समारोहमा सहभागी भई मिष्ठान्न भोजन ग्रहण गर्ने अवसर जुर्नेछ ।

मीन (दि,दु,थ,झ,ञ,दे,दो,चा,ची) स्वास्थ्यले साथ नदिने हुनाले दौडधूप नगर्नु होला । व्यापारमा भनेजस्तो आम्दानी हुने छैन । न्यायिक निर्णयहरु तपाईंको पक्षमा फैसला नहुन सक्छ । माया प्रेममा अविश्वास वा धोका हुनेछ । अध्ययनमा मन नजादा वा अल्छी गर्नाले नतिजा अरुले नै हात पार्नेछन् । ऋण, रोग तथा सत्रुको सामाना गर्नुपर्दा मन खिन्न हुनेछ । साझपख छोटो दुरीको रमाइलो यात्राको तय हुनेछ । खानपान तथा मनोरञ्जन समय व्यतित हुनेछ ।

तपाईंको दिन शुभ रहोस्,
-ज्योतिषी दुर्गा प्रसाद भण्डारी