माघ ७ गते सोमबार, यस्ताे छ तपाईंकाे राशिफल

• माघ ७, २०८१ | ६५१ पटक पढिएको | सीमा संदेश

आज विक्रम संवत २०८१ साल माघ ७ गते, सोमबार । ईश्वी सन् २०२५ जनवरी २० तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । तिथि–षष्ठी, ५ घडी ४२ पला, बिहान ९ बजेर १५ मिनेट उप्रान्त सप्तमी । नक्षत्र–हस्त, ३२ घडी ४८ पला, बेलुकी १० बजेर ४ मिनेट उप्रान्त चित्रा । योग–सुकर्मा, ४९ घडी ३५ पला, रातको २ बजेर ४७ मिनेट उप्रान्त धृती । करण–वणिज, बिहान ९ बजेर १४ मिनेट उप्रान्त भद्रा, बेलुकी १० बजेर १७ मिनेट उप्रान्त बव । आनन्दादिमा–मित्र योग । चन्द्रराशि–कन्या ।
काठमाडौंमा सूर्योदय बिहान ०६ बजेर ५७ मिनेट । सूर्यास्त बेलुकी ५ बजेर ३३ मिनेट । दिनमान २६ घडी ३१ पला । 

आजको बार बेला   
बिहान ०६ बजेर ५७ मिनेटसम्म अमृत बेला ।
बिहान ६ बजेर ५८ मिनेटदेखि बिहान ८ बजेर १७ मिनेटसम्म काल  बेला ।
बिहान ८ बजेर १८ मिनेटदेखि  बिहान ९ बजेर ३६ मिनेटसम्म शुभ बेला ।
बिहान ०९ बजेर ३७ मिनेटदेखि  बिहान १० बजेर ५६ मिनेटसम्म रोग बेला ।
बिहान १० बजेर ५७ मिनेटदेखि  बिहान १२ बजेर १५ मिनेटसम्म उद्धेग बेला ।
मध्यान्ह १२ बजेर १६ मिनेटदेखि दिउँसो १ बजेर ३५ मिनेटसम्म चर बेला ।
दिउँसो १ बजेर ३६ मिनेटदेखि दिउँसो २ बजेर ५४ मिनेटसम्म लाभ बेला ।
दिउँसो २ बजेर ५५ मिनेटदेखि  बेलुकी ४ बजेर १४ मिनेटसम्म अमृत बेला ।
बेलुकी ४ बजेर १५ मिनेटदेखि  बेलुकी ७ बजेर १४ मिनेटसम्म चर बेला ।
नोट :  शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

राहुकाल
बिहान ८ बजेर १६ मिनेटदेखि  बिहान ९ बजेर ३६ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य नगर्नुहोला ।

ब्रम्हा मुहुर्त
बिहान ५ बजेर २२ मिनेटदेखि  बिहान ६ बजेर १० मिनेटसम्म ब्रम्हा मुहुर्त रहनेछ ।

आजको राशिफल
मेष (चु,चे,चो,ला,लि,लु,ले,लो,अ) व्यापार वा शेयर बजारमा लगानी बढाउदा मनग्गे लाभ हुनेछ । प्रतिष्ठित व्यक्तिसँग प्रतिस्पर्धा गर्नु परेपनि अन्तत तपाईंकै पक्षमा नतिजा आउदा मन खुशी हुनेछ । आफन्त तथा शुभचिन्तकसँगको भेटले उत्साह जगाउनेछ । प्रणय सम्बन्धमा विश्वास  बढेर जाने तथा प्रेमलाई दाम्पत्य सम्बन्धमा परिणत गर्ने सहमति जुट्नेछ । विवाद तथा प्रतिस्पर्धामा विपक्षहरुलाई हराउदै अगाडि बढ्न सकिनेछ । अध्ययनमा प्रविधिको प्रयोग गर्दै निरन्तरता दिन सकिनेछ ।

बृष (इ,ऊ,ए,ओ,वा,वि,वु,वे,वो) व्यापार व्यवसाय फस्टाएर जानेछ भने शिक्षा क्षेत्रमा गरिएको लगानीबाट मनग्गे लाभ हुनेछ । सन्तानको प्रगति देखेर मन रमाउनेछ भने वश बृद्धिको गतिलो सम्भावना छ । पढाइ लेखाइ अन्य दिन भन्दा सुधार हुने हुनाले आफन्त हरु खुशी हुनेछन् । आकस्मिक धन तथा सम्पत्ति लाभ हुने योग रहेको छ । आफुले मन पराएको मानिसबाट उपाहार प्राप्त हुने हुनाले मन प्रशन्न रहनेछ । नयाँ योजनाहरु बनाई कार्यान्वयनको चरणमा लैजान सकिनेछ भने सोचेजस्तो आम्दानी गर्न सकिनेछ ।

मिथुन (का,कि,कु,घ,ङ,छ,के,को,हा) सवारी साधनको व्यापार व्यवसायमा अली बढी मेहनेत गर्दा भनेजस्तो नाफा कमाउन सकिनेछ । विद्यामा सफलता प्राप्त गर्न अली बढी नै मेहनेत गर्नु पर्नेछ । राजनीति तथा समाजसेवमा समय दिनेहरुका लागी समय मध्ययम रहेकाले जनतासँग सन्तुलित व्यवहार गर्नुहोला समर्थन नपाइन सक्छ । र, पनि आमा तथा आफन्तबाट सकारात्मक सल्लाह तथा सुझाब पाइने हुनाले सुधारात्मक काम गर्न सहयोग हुनेछ ।

कर्कट (हि,हु,हे,हो,डा,डि,डु,डे,डो) सानो प्रयत्नले राम्रो काम गरी फाइदा लिन सकिनेछ भने प्रतिस्पर्धीहरु परास्त हुनेछन् । माया प्रेममा सामिप्यता बढेर जाने तथा मिल्ने साथीको सहयोगले कामहरु बन्नेछन् । रोकिएर बसेका कामहरु बन्नुको साथै विस्तारै नयाँ काम बन्नेछन् । पढाइ लेखाइमा सुधार गर्दै सफलताको नजिक पुग्न सकिनेछ । छिमेकीहरु माझ राम्रो काम गरी प्रशिद्धि कमाउन सकिनेछ । वित्तीय क्षेत्रमा लगानीको लागी आजको समय उत्तम रहेकोछ ।

सिंह (मा,मि,मु,मे,मो,टा,टि,टु,टे) व्यापार, उद्योग तथा शेयर बजारको लगानीबाट मनग्गे आम्दानी हुनेछ । माया प्रेममा एक अर्कालाई विश्वास गर्दै जान सकिने हुनाले मन प्रशन्न रहनेछ । कला, साहित्य तथा यस्तै क्षेत्रमा समय खर्चिनेहरुले मनग्गे धन तथा सम्पत्ति कमाउन सक्नेछन् । पढाइ लेखाइमा थोरै समय दिए पनि सफलता हात लाग्नेछ । कुटुम्बबाट आवश्यक सहयोग पाइने हुँदा मन खुशी रहनेछ ।

कन्या (टो,पा,पि,पु,ष,ण,ठ,पे,पो) नयाँ प्रविधिको प्रयोग गरि रचनात्मक कार्य गर्न सकिनेछ । राजनीतिकर्मीहरुका लागि जनताको काम समयमा गर्न सकिने हुनाले पद प्राप्तिको गतिलो योग रहेकोछ । विद्यार्थी वर्गहरुका लागी मेहनेत गरी अध्ययन गर्दा उत्कृष्ट नतिजा हात पार्ने योग रहेकोछ । सुन्दर तथा विलाशिताका सरसामान प्रयोग गरी अरुको ध्यान आफुतिर आकर्षित गर्न सकिनेछ । लामो समयदेखि विछोड भएका मित्रहरुसँग भेट हुनाले दिन रमाइलो गरी बिताउन सकिनेछ ।

तुला (रा,रि,रु,रे,रो,ता,ति,तु,ते)  सामान्य काममा अल्झने समय रहेकोछ । अरुकै काम गर्दा आफ्नो काम थाती रहनेछ । पढाइ लेखाइमा समय दिन सकिने छैन भने नतिजा अरुतिरै जानेछ । स्वास्थ्य सम्बन्धी समस्या आई पर्नेछ भने औषधि उपचार खर्च बढेर जानेछ । व्यापार व्यवसायमा मन्दी आउनेछ  । प्रेममा रमाउन चाहनेहरुका लागी समय मध्ययम रहेकोछ । र, पनि विदेशी सामानको व्यापार व्यवसाय फस्टाएर जानेछ ।

बृश्चिक (तो,ना,नि,नु,ने,नो,या,यि,यु) कृषि तथा पशुपालन व्यवसायमा लगानी गरी मनग्गे आम्दानी गर्न सकिनेछ । शेयर बजार, खनिज पदार्थ, खाद्यान्न, गरगहना तथा पहिरनको व्यापारबाट नाफा कमाउन सकिनेछ । शिक्षा तथा बैकसँग सम्बन्धित कामबाट भनेजस्तो आम्दानी हुनेछ । प्रणय सम्बन्धमा नजिक हुने समय रहेकोछ भने जीवन साथीको सहयोगले राम्रा काम गर्न सकिनेछ । ईच्छा, आकांक्षा तथा मनोकामना पुरा हुनेछन् । सामाजिक सञ्जाल तथा प्रविधिको प्रयोगमार्फत आफ्ना विचारहरु जनमानसमा लैजान सकिनेछ ।

धनु (ये,यो,भा,भि,भु,ध,फा,ढा,भे)  सरकारी तथा पैत्रिक धन तथा सम्पत्ति प्रयोगमार्फत रोेजगारी सिर्जना गरी मनग्गे लाभ लिन सकिनेछ । बौद्धिक क्षमतामा बृद्धि हुनाले राजनीतिमा यस दिन पद पाउने योग रहेकोछ । प्रतिष्ठित व्यक्तिको सहयोगले उपलब्धिमूलक कामहरु बन्ने तथा सामाजिक क्षेत्रमा नाम कमाउन सकिनेछ । सत्रु परास्त हुनेछने भने विद्या तथा प्रतिस्पर्धामा तपाईकै नाम आउनेछ । व्यापार, उद्योग तथा शेयर बजारको लगानीबाट नाफा कमाउन सकिनेछ । छोटो समयमा नाम तथा दाम कमाउन सकिने हुँदा मन प्रशन्न रहनेछ
।

मकर (भो,जा,वि,जु,जे,जो,ख,खि,खु,खे,खो,गा,गी) शेयर बजार तथा वित्तीय क्षेत्रमा आज गरिने लगानीबाट मनग्गे आम्दानी हुनेछ । मौसम अनुसारको सामानको व्यापारमा उल्लेख्य बृद्धि हुनेछ । सामाजिक तथा कल्याणकारी काम गरि नाम कमाउन  सकिनेछ । धर्म तथा धार्मिक कार्यमा रुची बढ्नेछ । लामो दुरीको धार्मिक वा शैक्षिक यात्राको प्रशस्त सम्भावना रहेकोछ । परिवार तथा आफन्तका साथ समय व्यतित हुने तथा रमाइलो ठाउको भ्रमण हुनेछ । नयाँ काम पाउने वा नोकरीमा सुगम स्थानमा स्थानान्तरणको ग्रहयोग रहेकोछ ।  

कुम्भ (गु,गे,गो,सा,सि,सु,से,सो,दा) सवारी साधनको प्रयोग गर्दा वा चलाउदा ध्यान दिनुहोला अप्रिय घटना नघट्ला भन्न सकिन्न । दिनभर व्यस्त भए पनि न्यून पारिश्रमिकमा चित्त बुझाउनु पर्दा मन खिन्न हुनेछ । खान पिन तथा बाहिरी वातावरणको ख्याल गर्नुहोला । पढाइ लेखाइमा समय दिन नसक्दा अरुभन्दा पछि परिने चिन्ताले सताउनेछ । व्यापार व्यवसायमा समय दिन नसक्दा घाटा लाग्ने योग रहेकोछ भने आम्दानीका स्रोतहरु साघुरिने छन् । माया प्रेममा धोका हुनेछ भने दाम्पत्य जीवनमा घटपट आउनेछ ।

मीन (दि,दु,थ,झ,ञ,दे,दो,चा,ची) चलिआएका  परम्परालाई समय सापेक्ष परिवर्तन गर्न सकिनेछ। प्रशंसकहरू बढ्नेछन्। इच्छाशक्ति बढ्नुका साथै प्रयत्न गरेको काम छोटै समयमा पूरा हुन सक्छ। विशेष समारोहबीच प्रतिष्ठा, मान-सम्मान आदी पाइनेछ। स्वादिष्ट भोजनको आनन्द मिल्नेछ। परिवारजनसँग आत्मियता बढ्नेछ। प्रेम र मित्रताको गाँठो कसिलो भएर जानेछन् । छोटो दुरीको धार्मिक यात्रा हुनेछ ।

तपाईंको दिन शुभ रहोस्,
-ज्योतिषी दुर्गा प्रसाद भण्डारी