मालपोत कार्यालयमा अख्तियारको छापा, दुई जना पक्राउ

• फागुन २८, २०८१ | ५६७ पटक पढिएको | सीमा संदेश

महोत्तरीको जलेश्वरस्थित भूमिसुधार तथा मालपोत कार्यालयमा अख्तियार दुरुपयोग अनुसन्धान आयोगले छापामारी खरिदारसहित दुई जनालाई पक्राउ गरेको छ ।

पक्राउ परेकाहरुबाट ३५ हजार रुपैयाँ घुससमेत बरामद गरिएको छ । अख्तियारको टोलीले खरिदार मुन्नुकुमार दास र लेखापढी व्यवसायी जिवछ महतोलाई घुस रकमसहित पक्राउ गरेको जनाइएको छ ।

सेवाग्राहीबाट लिएको ३५ हजार रुपैयाँ रकमसहित कार्यालयबाटै बरामद भएको आयोगले जनाएको छ ।