चैत्र १९ गते मंगलबार, यस्ताे छ तपाईँकाे राशिफल

• चैत १९, २०८१ | ५१६ पटक पढिएको | सीमा संदेश

श्री गणेशाय नमः
आज विक्रम संवत २०८१ साल चैत्र १९ गते, मंगलबार । ईश्वी सन् २०२५ अप्रिल १ तारिख । नेपाल संवत् ११४५ । कालयुक्तनाम संवत्सर । उत्तरायणं । वसन्त ऋतु । श्रीशाके १९४६ । चैत्र शुक्लपक्ष । तिथि–तृतीया, ९ घडी ५ पला, बिहान ९ बजेर ५५ मिनेट उप्रान्त चतुर्थी । नक्षत्र–भरुणी, २३ घडी १५ पला, दिउँसो ३ बजेर ४० मिनेट उप्रान्त कृतिका । योग–विष्कुम्भ, १९ घडी ५७ पला, दिउँसो १ बजेर ५५ मिनेट उप्रान्त प्रिती । करण–गर, बिहान ९ बजेर ५५ मिनेट उप्रान्त वणिज, बेलुकी ८ बजेर ४४ मिनेट उप्रान्त भद्रा । आनन्दादिमा–मुसल योग । चन्द्रराशि–मेष, बेलुकी ९ बजेर १ मिनेट उप्रान्त बृष । काठंमाडौमा सूर्योदय बिहान ०५ बजेर ५७ मिनेट । सूर्यास्त बेलुकी ६ बजेर २० मिनेट । दिनमान ३१ घडी ० पला ।

आजको बार बेला  
बिहान ५ बजेर ५७ मिनेटसम्म रोग बेला ।
बिहान ५ बजेर ५८ मिनेटदेखि बिहान ७ बजेर ३० मिनेटसम्म उद्धेग बेला ।
बिहान ७ बजेर ३१ मिनेटदेखि बिहान ९ बजेर ३ मिनेटसम्म चर बेला ।
बिहान ०९ बजेर ४ मिनेटदेखि बिहान १० बजेर ३६ मिनेटसम्म लाभ बेला ।
बिहान १० बजेर ३७ मिनेटदेखि बिहान १२ बजेर ९ मिनेटसम्म अमृत बेला ।
मध्यान्ह १२ बजेर १० मिनेटदेखि दिउँसो १ बजेर ४२ मिनेटसम्म काल बेला ।
दिउँसो १ बजेर ४३ मिनेटदेखि दिउँसो ३ बजेर १५ मिनेटसम्म शुभ बेला ।
दिउँसो ४  बजेर १६ मिनेटदेखि बेलुकी ४ बजेर ४८ मिनेटसम्म रोग बेला ।
बेलुकी ४ बजेर ४९ मिनेटदेखि बेलुकी ७ बजेर ४८ मिनेटसम्म काल बेला ।
नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

राहुकाल
दिउँसो ३ बजेर १४ मिनेटदेखि बेलुकी ४ बजेर ४७ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य नगर्नुहोला ।

ब्रम्हा मुहुर्त
बिहान ४ बजेर २२ मिनेटदेखि बिहान ५ बजेर १० मिनेटसम्म ब्रम्हा मुहुर्त रहनेछ ।

आजको राशिफल
मेष (चु,चे,चो,ला,लि,लु,ले,लो,अ) मेहनेत गर्दा आटेको काम बन्नेछ भने जुझारु कार्यशैलिले लक्ष्य तथा गन्तव्य पहिल्याउन सहज हुनेछ । व्यवसाय फस्टाएर जानेछ भने लगानीको नयाँ वातावरण बन्नेछ भने आम्दानीमा बढोत्तरिको योग रहेकोछ । शेयर बजार तथा वित्तीय क्षेत्रमा  गरिने लगानीबाट आम्दानी बढाउन सहयोग पुग्नेछ । परिवारका साथ रमाइलो वातावरणमा स्वादिष्ट भोजन ग्रहण गर्ने अवसर प्राप्त हुनेछ । छोटो दुरीको यात्रा हुने योग रहेकोछ भने अग्रज तथा आफन्तसँगको भेटले मन प्रशन्न हुनेछ ।

बृष (इ,उ,ए,ओ,वा,वि,वु,वे,वो) अर्थ संकलन तथा आर्थिक अवस्था कमजोर रहने हुँदा कामहरु रोकिन सक्छ । माया प्रेममा एक अर्कालाई विश्वास गर्न नसक्दा लामो समय देखिको सम्बन्ध टुट्न सक्छ । स्वास्थ्यको ख्याल गर्नुहोला समय मध्ययम रहेकोछ । र, पनि विदेशमा बसेर अध्ययन तथा श्रम गर्नेहरुका लागी भने समय फलदायी रहनेछ । विदेशी लगानीमा सञ्चालित संस्थाबाट मनग्गे लाभ लिन सकिनेछ ।

मिथुन (का,कि,कु,घ,ङ,छ,के,को,हा) मान सम्मान तथा ईज्जत प्रतिष्ठा कमाउन सकिनेछ । विशिष्ट व्यक्तित्वहरूसँग मित्रता बढ्नेछ। अरूलाई प्रभावित पारेर काम बनाउने समय छ। आफ्नो क्षेत्रमा प्रभुत्व जमाउन सकिनेछ। भूमि, वाहन र पैत्रिक सम्पत्तिबाट लाभ मिल्ने योग छ। व्यापार तथा शेयरबजारबाट पनि प्रशस्त फाइदा हुनेछ भने आर्थिक अवस्था सुदृड हुनेछ । पढ्ने लेख्ने काममा मन जाने हुनाले अरुभन्दा अग्र स्थानमा तपाईंको नाम आउनेछ ।

कर्कट (हि,हु,हे,हो,डा,डि,डु,डे,डो) इच्छाशक्ति बढ्नुका साथै काममा उत्साहजनक समय छ । प्रयत्न गरेको काम छिट्टै पुरा हुनेछन् भने समयको सदुपयोग गरि मनग्गे लाभ लिन सकिनेछ । साथीभाइको सहयोग पाइनेछ भने आफन्त तथा प्रशंसकहरू बढ्नेछन्। प्रतिष्ठा, मान–सम्मान आदि पाइने समय छ। नयाँ वस्त्र र स्वादिष्ट भोजनको आनन्द मिल्नेछ। परिवारजनसँग आत्मीयता बढ्नेछ। प्रेम र मित्रताको बन्ध कसिएर जाला।

सिंह (मा,मि,मु,मे,मो,टा,टि,टु,टे) साथीभाइ तथा आफन्तको सहयोगमा नयाँ योजना बनाई कार्यान्वयनको चरणमा लान सकिने भएपनि विफल हुने ग्रहयोग रहेकोछ । स्वास्थ्यमा समस्या आई शुरु गरेका कामहरु सम्पादन गर्न सकिने अवस्था रहने छैन भने सहयोग गर्ने भन्दा आश्वासन बाढ्नेहरु धेरै भेटिनेछन् । गोप्य सूचनाहरु बहिरिने हुँदा ईज्जत प्रतिष्ठामा दाग लाग्न सक्छ, ध्यान दिनुहोला । प्रशासनिक क्षेत्रमा तपाईंको निम्न स्तरको सहभागिता रहनेछ ।

कन्या (टो,पा,पि,पु,ष,ण,ठ,पे,पो) कुटुम्ब तथा आफन्तसँगको आर्थिक कारोबार बिग्रन सक्छ, ध्यान दिनुहोला । मनोबल कमजोर हुने हुनाले बाहिरी तत्वहरुले प्रभावित पार्नेछ । कार्यक्षेत्रमा काम बिग्रने तथा तपाईंको आलोचना गर्नेहरु बढ्नेछन् । पुराना समस्याहरु पुनः आइलाग्ने तथा सत्रुहरुले दुख दिनेछन् । यात्रा गर्दा विशेष ख्याल गर्नुहोला दुख हुने अधिक सम्भावना रहेकोछ । आकस्मिक धन तथा सम्पत्ति लाभ हुने भएपनि तपाईंकै कारणले टरेर जानेछ ।

तुला (रा,रि,रु,रे,रो,ता,ति,तु,ते) माया प्रेममा नजिक हुने समय रहेकोछ भने दाम्पत्य जीवन सहज मार्गमा बित्नेछ । आर्थिक स्थिति मजभुत हुने तथा व्यापार व्यवासायमा मनग्गे आम्दानी हुनेछ । लामो दुरीको मनोरञ्जानात्मक यात्राको तय गरी भरपुर रमाउन सकिनेछ । पढाइ लेखाइमा भनेजस्तो प्रगति हुने हुँदा मन प्रशन्न रहनेछ । भौतक बस्तु तथा विलाशी सामानको प्रयोगमार्फत अरुको मन आफुतिर आकर्षित गर्न सकिनेछ ।

बृश्चिक (तो,ना,नि,नु,ने,नो,या,यि,यु) प्रतिस्पर्धामा तपाईंको नाम अग्र स्थानमा आउनेछ । बिछोड भएका आफन्तहरुसँगको भेटघाटले मन प्रफुल्लित हुनेछ । व्यापार, उद्योग तथा शेयरबजारमा गरिने लगानीबाट आय आर्जनका स्रोतहरु बढ्नेछन् । सरकारी कार्यालयमा सामान सप्लाई गर्दै हुनुहुन्छ भने मनग्गे आम्दानी हुनेछ । प्रेममा नजिक हुने योग रहेकोछ । पुराना ऋण तथा रोगबाट छुटकारा पाइने समय रहेकोछ । कुटुम्ब तथा मावली पक्षबाट सहयोग पाइनेछ ।

धनु (ये,यो,भा,भि,भु,ध,फा,ढा,भे) सन्तान तथा परिवारले तपाईंको काममा खासै सहयोग गर्ने छैनन् भने तपाईंको आलोचना गर्नेहरु बढ्ने ग्रहयोग रहेकोछ । सामान्य स्वास्थ्य सम्बन्धी समस्याले सताउने हुँदा दैनिक काम गर्न असजिलो महशुस हुनेछ । माया प्रेममा धोका हुनेछ भने घर परिवारमा आफन्त तथा पति पत्नीबीच मनमुटाब बढ्नेछ । व्यापार व्यावसाय खस्केर जाने हुनाले दैनिक गुजारा गर्न गाह्रो हुनेछ भने प्रतिस्पर्धीहरुको अवरोधले फाइदाको सम्भावना टरेर जानेछ ।

मकर (भो,जा,जि,ज,जे,जो,ख,खि,खु,खे,खो,गा,गी) आफुले प्रयोग गर्ने सवारी साधन प्रयोग गर्दा ख्याल गर्नुहोला समय मध्ययम रहेकोछ । आमा वा आफन्तसँग टाडिएर टाडाको यात्रा हुदा मन खिन्न हुनेछ । माया प्रेममा सामान्य मनमुटाबको सिर्जना नहोला भन्न सकिन्न । र, पनि घर जग्गा तथा माटोसँग सम्बन्धित कामबाट केही मात्रामा लाभ लिन सकिनेछ । कृषि तथा पशुपालन व्यवसायलाई आधुनिकीकरण गरी मनग्गे लाभ लिन सकिनेछ । शेयरबजारमा सुझबुझपूर्ण लगानी गरी नाफा कमाउन सकिनेछ ।

कुम्भ (गु,गे,गो,सा,सि,सु,से,सो,दा) उद्योग, शेयरबजार तथा व्यापारमा लगानी गरी मनग्गे आम्दानी गर्न सकिनेछ । आर्थिक क्षेत्रमा फड्को मार्न सकिने तथा आर्थिक अवस्था सुधार्न चालिने कदमबाट सकारात्मक नतिजा आउनेछ । पढाइ लेखाइमा भनेजस्तो नतिजा हात पार्न सकिने हुँदा दाजुभाई तथा आफन्तहरु खुशी हुनेछन् । विवाद तथा न्यायिक निर्णयहरु तपाईंकै पक्षमा आउने हुनाले मन प्रशन्न रहनेछ । प्रेममा नजिक हुने समय रहेकोछ ।

मीन (दि,दु,थ,झ,ञ,दे,दो,चा,ची) विगतका निर्णयले काम बिग्रन सक्छ ध्यान दिनुहोला । बोल्दा ख्याल नगर्नाले समस्या उत्पन्न हुनेछ । मान्यजनको सुझावप्रति विश्वास नलाग्न सक्छ। महत्वाकांक्षी योजना गोप्य राखेर अघिबढ्दा फाइदा हुनेछ। काम बिग्रने डरले पनि सताइरहनेछ। खनिज पदार्थ तथा अन्य भौतिक सम्पत्तिको व्यापारमा घाटा हुन सक्छ ध्यान दिनुहोला । पढाइमा मन नजादा अरुभन्दा पछि परिनेछ ।

तपाईंको दिन शुभ रहोस्,
-ज्योतिषी दुर्गा प्रसाद भण्डारी