धनुषामा २ लाख बढी नगद र १० लाखको चेक लुटियो, लुटेरा फरार

• असार २१, २०८२ | ४४१ पटक पढिएको | सीमा संदेश

धनुषाको जनकनन्दनी गाउँपालिका १ इनरुवा र जनकनन्दनी गाउँपालिका ६ कठल जोड्ने झोलुङ्गे पुल नजिकै एक व्यक्तिको लाखौं रुपैयाँ नगद र चेक लुटपाट भएको छ ।

इनरुवाबाट मोटरसाइकलमा पैसा लिएर सघरातर्फ जाँदै गर्दा अजय गोइतको २ लाख २५ हजार रुपैयाँ नगद, १० लाखको चेक र एक आइफोन मोबाइल लुटेराले लुटेर फरार हाे । अनटेस्ट मोटरसाइलमा सवार तीन लुटेराले आफूलाई रोकेर लुटपाट गरी भागेको पीडित गोइतले बताए ।

लुटिएका पीडित गोइतले तत्कालै ईलाका प्रहरी कार्यालय खजुरीलाई जानकारी गराएकाे बताए । लुटेराहरुलाई चिन्न नसकेको उनको भनाई छ ।

खजुरीका प्रहरी निरीक्षक बबिन्द्र नेवाङले लुटेराहरु इनरुवातर्फ फरार भएको पीडितबाट जानकारी पाएको र सो क्षेत्रमा खोजतलास तथा चेकजाँच जारी राखेको जानकारी दिए ।