आज गुरु पूर्णिमा र व्यास जयन्ती मनाइँदै

• असार २६, २०८२ | ३३८ पटक पढिएको | सीमा संदेश

आज गुरु पूर्णिमा हो । आजका दिन गुरुहरुलाई विशेष सम्मान गरिन्छ । विशेष गरी गुरु पूर्णिमा हिन्दु, बौद्ध र जैन धर्मावलम्बीहरूले मनाउने एक महत्वपूर्ण पर्व हो । यो आषाढ शुक्ल पूर्णिमामा पर्छ । यस दिन गुरु (शिक्षक, आध्यात्मिक मार्गदर्शक) को पूजा र सम्मान गरिन्छ ।

गुरु पूर्णिमाको महत्वः

गुरुको आदरः

शिष्यहरूले आफ्ना गुरुहरूलाई धन्यवाद र मृत्युवरण गरेका गुरुलाई श्रद्धान्जली अर्पण गर्छन् । गुरु–शिष्य परम्परालाई सनातन धर्मले पवित्र मानिन्छ ।

धार्मिक मान्यताः

आजको दिन महर्षि वेदव्यास (महाभारत र वेदका संकलनकर्ता) को जन्मदिन पनि हो । यसैले यो दिनलाई व्यास पूर्णिमा पनि भन्ने गरिन्छ ।
बौद्धहरूका लागि यो दिन गौतम बुद्धले सारनाथमा पहिलो उपदेश (धर्भचक्र प्रवर्तन) दिएको थियो ।

आध्यात्मिक फाइदाः

यस दिन ध्यान, पूजा र मन्त्र जप गर्दा गुरुको कृपा बढ्छ भन्ने विश्वास छ। अज्ञानताको अन्त्य र आत्मज्ञान प्राप्तिको लागि यो दिन उत्तम मानिन्छ ।

शिक्षा र ज्ञानको बाटोः

विद्यार्थीहरूले गुरुबाट प्राप्त ज्ञानको महत्वलाई सम्झन्छन् ।

गुरु पूर्णिमा कसरी मनाइन्छ ?

गुरु पूजा फूल, फल र दक्षिणा चढाएर गुरुलाई प्रणाम गरिन्छ ।

सत्सग र ध्यानः आश्रमहरूमा भजन, कीर्तन र प्रवचन हुन्छन् । गुरुको महिमा बताउने शास्त्र पढिन्छ ।

नेपालमा गुरु पूर्णिमा

पशुपतिनाथ, स्वयम्भू, मुक्तिनाथ जस्ता धार्मिक स्थलहरूमा भक्तजनहरू एकत्रित हुन्छन् । विद्यालय र गुरुकुलमा शिक्षकहरूलाई सम्मानित गरिन्छ । आजभोलि विद्यालयहरूमा केक काटेर गुरुको सम्मान गरेको पाइन्छ ।