हुलाकीसहित विकास निर्माण कार्यको ठेक्का तोडिने

• असोज १२, २०८२ | ५३५ पटक पढिएको | सीमा संदेश

अलपत्र सडक र पुल निर्माणका लागि ठेक्का सम्झौता गरिए पनि काम नगरेर वर्षोंदेखि अलपत्र पारिएका २३४ वटा रुग्ण ठेक्का तोडिने भएको छ ।

सडक विभाग अन्तर्गत संघीय सडक सुपरीवेक्षण तथा अनुगमन कार्यालय मातहतका सडक डिभिजन कार्यालयहरु, हुलाकी राजमार्ग र मध्यपहाडी लोकमार्गका रुग्ण अवस्थामा रहेका ठेक्का तोड्न लागिएको छ ।

हुलाकी १६, संघीय सडक सुपरीवेक्षण तथा अनुगमन कार्यालय दमक अन्तर्गत ३८, काठमाण्डु ७५,पोखरा ३९, सुर्खेत ४९ र मध्यपाडी लो कमार्गका १७ वटा ठेक्का रुग्ण छन् । आयोजनाका तर्फबाट काम नगरी ठेक्कालाई रुग्ण बनाउन संलग्न तत्कालीन एवम् हालका जिम्मेवार कर्मचारीलाई छानबिन गर्न समिति बनाइने भएको छ ।

ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले शनिबार सरो कारवालहरुसंगको छलफलको क्रममा प्रमुखलगायतकासँग छलफल गरी ठेक्का लिने तर काम नगर्ने प्रवृत्तिको अन्त्यका लागि रुग्ण ठेक्का तोड्नुको विकल्प नरहेको बताइन्छ ।

रुग्ण ठेक्का तोडिएमा कम रकम कबोल गरी ठेक्का सम्झौता गर्ने र परिचालन पेश्की लिएर उक्त रकम अन्यत्रै लगानी गर्ने तर काम नगर्ने प्रवृतिकोसमेत अन्त्य हुने मन्त्री घिसिङले बताए । निर्माण सम्झौता बमो जिम सम्पन्न गर्नुपर्ने समयको विभिन्न कारणबाट म्याद थप भइ निर्माण कार्य चालू रहे को तर शुरु निर्माण अवधिको तुलनामा सत प्रतिशतभन्दा बढी समय म्याद थप भइसक्दासमेत ५० प्रतशतभन्दा कम प्रगति रहे को २ करोडभन्दा बढी सम्झौता भएको ठेक्कालाई रुग्ण ठेक्का मानिएको छ ।

मन्त्री घिसिङले मन्त्रालय र मातहतका कार्यालयहरुले गर्ने कुनै पनि कार्यमा अनियमितता, ढिलासुस्ती, घूसमाग्ने, से वाग्राहीलाई अनेक बहानामा दुःख दिने प्रवृति देखिएका सङ् लग्नमाथि तत्कालै कारबाही गर्ने चेतावनी दिए ।