पुस २७ गते आइतबार,यस्तो छ तपाईंको राशिफल

• पुस २७, २०८२ | ३२५ पटक पढिएको | सीमा संदेश

वि.सं.२०८२ साल पौष २७ गते । आइतबार । ईश्वी सन् २०२६ जनवरी ११ तारिख । नेपाल संवत् ११४६ । सिद्धार्थी संवत्सर । दक्षिणायनं । शिशिर ऋतु । श्रीशाके १९४७ । माघ कृष्णपक्ष । तिथि–अष्टमी, १४ घडी ५ पला, मध्यान्ह १२ बजेर २६ मिनेट उप्रान्त नवमी ।

नक्षत्र–चित्रा, ३४ घडी ४ पला, बेलुकी ८ बजेर ३५ मिनेट उप्रान्त स्वाती । योग– सुकर्मा, ३२ घडी ५९ पला, बेलुकी ८ बजेर ९ मिनेट उप्रान्त धृती । करण–कौलव, मध्यान्ह १२ बजेर ३६ मिनेट उप्रान्त तैतिल, रातको १ बजेर २२ मिनेट उप्रान्त गर । आनन्दादिमा–पद्य योग । चन्द्रराशि–कन्या, बिहान ७ बजेर ३७ मिनेट तुला ।

काठमाडौँमा सूर्योदय बिहान ६ बजेर ५८ मिनेट । सूर्यास्त बेलुकी ५ बजेर २५ मिनेट । दिनमान २६ घडी १० पला ।

आजको बार बेला ।
बिहान ६ बजेर ५८ मिनेटसम्म उद्वेग बेला ।
बिहान ६ बजेर ५९ मिनेटदेखि बिहान ८ बजेर १६ मिनेटसम्म चर बेला ।
बिहान ८ बजेर १७ मिनेटदेखि बिहान ९ बजेर ३५ मिनेटसम्म लाभ बेला ।
बिहान ९ बजेर ३६ मिनेटदेखि बिहान १० बजेर ५३ मिनेटसम्म अमृत बेला ।
बिहान १० बजेर ५४ मिनेटदेखि बिहान १२ बजेर १२ मिनेटसम्म काल बेला ।
दिउसो १२ बजेर १३ मिनेटदेखि दिउसो १ बजेर ३० मिनेटसम्म शुभ बेला ।
दिउसो १ बजेर ३१ मिनेटदेखि दिउसो २ बजेर ४९ मिनेटसम्म रोग बेला ।
दिउसो २ बजेर ५० मिनेटदेखि बेलुकी ४ बजेर ७ मिनेटसम्म उद्वेग बेला ।
बेलुकी ४ बजेर ८ मिनेटदेखि बेलुकी ७ बजेर ७ मिनेटसम्म शुभ बेला ।
नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

राहुकाल
बेलुकी ४ बजेर ७ मिनेटदेखि बेलुकी ५ बजेर २५ मिनेटसम्म राहुकाल रहनेछ ।
नोट : राहुकालको समयमा कुनै पनि शुभ कार्य गर्नु हुन्न भन्ने शास्त्रिय मान्यता रहेको ।

ब्रहा मुहूर्त
बिहान ५ बजेर २१ मिनेटदेखि बिहान ६ बजेर ९ मिनेटसम्म ब्रहा मुहूर्त रहनेछ ।

आजको राशिफल

मेष(चू,चे,चो,ला,लि,लू,ले,लो,अ) व्यापार व्यवसाय फस्टाएर जानेछ भने नयाँ प्रकृतिको काम गरी मनग्गे आम्दानी गर्न सकिनेछ । प्रेममा रमाउन चाहनेहरूका लागि समयले साथ दिनेछ । ईमान्दारिता तथा लगानशीलताले गन्तव्य पहिल्याउन सहज हुनेछ । राशि स्वामी मङ्गलको अनुकूल प्रभावले महंंगा तथा बिलासी वस्तुको प्रयोग मार्फत अरूको मन आफूतिर आकर्षित गर्न सकिनेछ । छोटो दुरीको रमाइलो यात्राको तय हुनेछ ।

वृष(ई,ऊ,ए,ओ,वा,वी,वू,वे,वो) व्यापार व्यवसाय फस्टाएर जाने हुनाले अर्थ सङ्ग्रह गर्न सकिनेछ । प्रतिस्पर्धामा प्रतिस्पर्धिहरुलाई हराउदै अग्र पंत्तिमा आउन सकिनेछ ।  पुराना ऋण तथा समस्याहरू हल भएर जानेछ । मामा तथा मावली पक्षको  सहयोगले राम्रा काम गर्न सकिनेछ । प्रेममा रमाउन चाहनेहरूका लागी समय उत्तम रहेको छ । अध्ययन वा काममा प्रविधिको प्रयोग गर्न सकिनेछ ।

मिथुन (का,की,कू,घ,ङ,छ,के,को,हा) अध्ययनमा समय दिन सकिने हुनाले नतिजा आफैतिर ल्याउन सकिनेछ । ईमान्दार तथा लगनशील भई लाग्नाले सम्मान पाइनेछ । बन्द व्यापार फस्टाएर जाने हुनाले मनग्गे लाभ लिन सकिनेछ । अप्ठ्यारा तथा असजिला परिस्थितिलाई सहजै बुद्धिमत्ता पूर्वक निराकरण गर्न सकिनेछ । प्रेममा सामीप्य बढ्ने तथा उपहार प्राप्तिको योग रहेको छ । सन्तान तथा आफन्तबाट सहयोग रहने हुनाले मन प्रसन्न रहनेछ ।

कर्कट (ही,हू,हे,हो,डा,डी,डु,डे,डो) गीत सङ्गीत तथा नृत्यको क्षेत्रमा राम्रो प्रगति गर्न सकिनेछ । कृषि तथा पशुपालन व्यवसायलाई समय सापेक्ष आधुनिकीकरण गरी भनेजस्तो आम्दानी गर्न सकिनेछ । माया प्रेममा रमाउन चाहनेहरूका लागि समयले साथ दिनेछ भने जीवन साथीको सहयोगले राम्रा काम गर्न सकिनेछ । तरपनि राजनीतिकर्मी तथा सामाजिक क्षेत्रमा काम गर्नेहरूका लागि जनताको आलोचनात्मक समर्थन रहनेछ । छोटो दुरीको यात्रा गर्दा ध्यान दिनुहोला ।  

सिहं (मा,मी,मू,मे,मो,टा,टी,टू,टे) छोटो दुरीको उपलब्धिमूलक यात्राको तय गर्न सकिनेछ । पहिरन तथा खाद्यान्नको व्यापारबाट प्रशस्त आम्दानी गर्न सकिनेछ । दाजुभाइ तथा आफन्तबाट भनेजस्तो सहयोग पाइने हुनाले मन प्रसन्न हुनेछ । प्रेममा रमाउन चाहनेहरूका लागी समयले साथ दिनेछ । पुराना विवादित विषयहरू हल भएर जानेछन् । सामाजिक सञ्जाल तथा प्रविधिको प्रयोग मार्फत आफ्ना भनाइहरू जनमानसमा लैजान सकिनेछ ।

कन्या (टो,पा,पी,पू,ष,ण,ठ,पे,पो) गीत सङ्गीत तथा साहित्यको क्षेत्रमा समय खर्चदै हुनुहुन्छ भने नाम तथा दाम दुवै कमाउन सकिनेछ । धन तथा भौतिक सम्पत्ति परिचालन गरी आम्दानी बढाउन सकिनेछ । माया प्रेममा आत्मियता बढ्नेछ भने पारिवारिक माहोलमा जमघट भई स्वादिष्ट भोजन ग्रहण गर्ने अवसर प्राप्त हुनेछ । भोजन, पहिरन तथा खाद्यान्नसँग सम्बन्धीत व्यवसायबाट मनग्गे आम्दानी गर्न सकिनेछ । धर्मसस्कृती जोगाउन तपाईँको महत्त्वपूर्ण भूमिका रहनेछ ।

तुला (रा,री,रु,रे,रो,ता,ती,तू,ते) सानातिना समस्या देखिएपनि लगनशील भएर लाग्नाले सफलताको शिखर चुम्ने ग्रहयोग रहेको छ । पढाइ लेखाइमा सुधार हुने हुनाले अरूभन्दा अगाडी बढ्न सकिनेछ । दाजुभाइले तपाईँको काममा सहयोग गर्ने हुनाले ठुला तथा उपलब्धिमूलक काम गर्न सकिनेछ । मानव निर्मित तथा भौतिक साधनहरू प्राप्तिको योग रहेको छ । व्यापार व्यवसायमा लगानी गरी आम्दानीका स्रोतहरू फराकिला पार्न सकिनेछ । धार्मिक तथा मनोरञ्जनात्मक यात्राको तय हुनेछ ।

बृश्चिक(तो,ना,नी,नू,ने,नो,या,यी,यू) समयमा काम नबन्ने हुनाले आर्थिक पाटाहरु कमजोर रहनेछन् । लेनदेनको विवादले आत्म सम्मानमा दाग लाग्न सक्छ ख्याल गर्नुहोला । शरिरमा आलस्यता बढेर जानेछ भने भौतिक तथा विलाशी वस्तु हराउन सक्छ ख्याल गर्नुहोला । तरपनि लामो दुरीको यात्राको तय हुनेछ । विदेशमा बसेर काम गर्नेहरूका लागि वा विदेशी सामानको व्यापार गर्नेहरूका लागी समयले साथ दिनेछ । स्वास्थ्य सामाग्री तथा पूजा सामाग्रीको व्यापार गर्नेहरूका लागी समय राम्रो रहेको छ ।

धनु (ये,यो,भा,भी,भू,ध,फा,ढा,भे) मनपरेको मानिसबाट चिट्ठा तथा उपहार पाइने हुँदा मन प्रफुल्लित हुनेछ । आफन्त तथा अग्रजबाट काममा सहयोग तथा उचित सल्लाह पाइनेछ । तरल पदार्थ, खाद्यान्न तथा धार्मिक सामग्रीको व्यापारमा बढोत्तरीको योग रहेको छ । प्रणय सम्बन्धलाई विवाहमा परिणत गर्न सकिनेछ । शुभ तथा माङ्गलिक कार्यमा सहभागी भई मिष्टान्न भोजन ग्रहण गर्ने अवसर प्राप्त हुनेछ ।

मकर (भो,जा,जी,जू,जे,जो,ख,खी,खू,खे,खो,गा,गी) इच्छाशक्ति बढ्नुका साथै रमाइलो यात्राको तय हुनेछ । प्रयत्न गरेको काम छिट्टै पुरा हुने तथा  समयको सदुपयोग गरि मनग्गे लाभ लिन सकिनेछ । साथीभाइहरूको सहयोग पाइनेछ भने आफन्त तथा प्रशंसकहरू बढ्नेछन् । प्रतिष्ठा, मान–सम्मान आदि पाइने समय छ। नयाँ वस्त्र र स्वादिष्ट भोजनको आनन्द मिल्नेछ । परिवारजनसँग आत्मीयता बढ्नेछ । प्रेम र मित्रताको बन्धन कसिलो भएर जानेछ । राजनीति तथा समाजसेवामा जनताको साथ तथा समर्थन पाइने ग्रहयोग रहेको छ ।

कुम्भ (गू,गे,गो,सा,सी,सू,से,सो,दा)  जिम्मेवारी प्राप्त हुने तथा सफलतापूर्वक सम्पादन गर्न सकिने हुनाले नाम तथा दाम दुवै कमाउन सकिनेछ । साथीभाइ तथा आफन्तका साथ रमाइलो वातावरणमा दिन बित्नेछ । पढाइ लेखाइमा मन जाने हुनाले प्रतिस्पर्धीमा अरूभन्दा अग्र स्थानमा तपाईंको नाम आउनेछ । सरकारी क्षेत्रमा तपाईंको गतिलो उपस्थितिले समाजमा छुट्टै पहिचान बनाउन सकिनेछ । बिहानीपख धार्मिक यात्रा हुनेछ ।

मीन (दी,दू,थ,झ,ञ,दे,दो,चा,ची) स्वास्थ्यमा आउने समस्याका कारण दैनिक कामहरू प्रभावित हुनेछन् । चिन्ता तथा छट्पटिले उर्जा तथा आत्मविश्वासमा कमी ल्याउनेछ । यात्रा गर्दा बाहिरी वातावरण तथा परिस्थिति बुझेर मात्र गर्नुहोला । धन सम्पत्ति तथा पैतृक धन हराउन तथा लुटिन सक्छ ध्यान दिनुहोला । भौतिक सम्पत्ति तथा खनिज पदार्थको प्रयोग गर्दा ध्यान दिनुहोला नराम्रा घटना घट्न सक्छ । तरपनि साहित्य लेखन तथा अनुसन्धानको क्षेत्रमा काम गर्नेहरूका लागी समय राम्रो रहेको छ ।

तपाईँको दिन शुभ रहोस् ।