हरकट्टीमा मतदान केन्द्र माग गर्दै स्थानीय आन्दोलित

• फागुन ९, २०८२ | १५४ पटक पढिएको | सीमा संदेश

सिरहा, फागुन ०८ गते ।  औरही गाउँपालिका–१ स्थित हरकट्टीमा मतदान केन्द्र कायम नगरिए आसन्न प्रतिनिधिसभा निर्वाचनमा मतदान बहिष्कार गर्ने स्थानीयले चेतावनी दिएका छन् । यहाँका हरकट्टी र कुन्डलपुरका स्थानीयले मतदान बहिष्कारको घोषणा गरेका हुन् ।

यसअघि यहाँका मतदाताका लागि दरहियामा मतदान केन्द्र तोकिएको थियो । तर, यो मतदान केन्द्र टाढा पर्ने भन्दै स्थानीय अगुवाहरूले पहल गरेपछि जिल्ला निर्वाचन कार्यालय, सिरहाले हरकट्टीस्थित आधारभूत विद्यालयमा मतदान केन्द्र थपिदिएको थियो ।

तर वडाध्यक्ष सुरैतलाल ठाकुर र चार वडा सदस्यले संयुक्त रूपमा मतदान केन्द्र थप्न गरिएको निर्णयविरुद्व उच्च अदालत, राजविराजमा रिट हालेपछि अदालतले तत्काल यथास्थितिमा राख्न आदेश जारी गरेको छ । यहाँ मतदान केन्द्र नरहने भएपछि स्थानीय आक्रोशित हुन् । 

हरकट्टी र कुन्डलपुरमा ११ सय ५४ मतदाता छन् । मतदान केन्द्रको विषय अन्योल बनेपछि यसविरुद्ध स्थानीयहरू वडा कार्यालयको गेटमा शुक्रबार दुई घण्टा धर्नासमेत दिएका छन् ।

’हामी निकै पहल गरेर मतदान केन्द्र तोक्न लगाएका थियौं, तर अदालतको आदेशले हामी अत्यन्तै दुःखी छौं,’ उनले भने, ’यो विषय नटुंगिए यो चुनावमा हामी मतदान गर्दैनौं।’