सिरहा नगरस्तरीय फुटवल प्रतियोगिताको फाइनल विजेता वडा नं. ७

• फागुन १६, २०८२ | २१० पटक पढिएको | सीमा संदेश

सिरहा, फागुन १६ गते । “युवाको सम्मान, नगरको पहिचान, फुटबल खेल हाम्रो अभियान “ भन्ने मूल नाराका साथ सिरहा क्याम्पस खेल मैदानमा जारी सिरहा नगरस्तरीय फुटबल प्रतियोगिता–२०८२ को फाइनल खेलमा वडा नं. ७ विजयी भएको छ।

 शुक्रवार सम्पन्न रोमाञ्चक फाइनल खेलमा वडा नम्बर ८ लाई २–१ गोल अन्तरले पराजित गर्दै वडा नम्बर ७ च्याम्पियन बन्न सफल भएको हो।

प्रतिस्पर्धात्मक खेलमा दुवै टिमले उत्कृष्ट प्रदर्शन गरेका थिए। पहिलो हाफदेखि नै आक्रामक खेल प्रस्तुत गरेको वडा नम्बर ७ ले निर्णायक अग्रता बनाउँदै उपाधि आफ्नो पोल्टामा पारेको छ ।

वडा नं. ७ बाट राजाबाबु मेस्तर र लव मुखियाले एक एक गोल गरेका छन् । वडा नं. ८ बाट एक मात्र गोल रामबाबु दासले गरेको छ । खेलको म्यान अफ द म्याच वडा न. ७ का खेलाडी लभ मुखिया भएको छ ।

त्यसैगरी खेलको म्यान अफ द टुनामेन्ट वडा नं. ७ का खेलाडी राज बाबु मेस्तर, बेस्ट गोल किपर वडा नं. ७ का खेलाडी सुमन महरा, बेस्ट डिफेन्डर वडा नं. ८ का खेलाडी रामबाबु दास, बेस्ट फोरवार्ड वडा नं. ७ का खेलाडी दिपेश पासमान, इमर्जिङ प्लेयर वडा नं. ७ का खेलाडी सागर मेस्तर, सर्वाधिक कोलकर्ता वडा नं. ७ का खेलाडी राजबाबु मेस्तर र अनुशासित खेलाडी वडा नं ७ का अनुज मुखिया भएका छन् । सबै खेलाडीलाई साईकल, नगद र ट्फि पुरस्कारका रुपमा प्रदान गरिएको छ ।

प्रथम विजेता वडा नं. ७ लाई रु.६० हजार नगद, ट्फि र दोस्रो उपविजेता वडा नं. ८ लाई नगद रु.३० हजार नगद, ट्फि पुरस्कारका रुपमा प्रदान गरिएको सलहेश युवा क्लव सिरहाका अध्यक्ष राजिप यादबले बताए ।

सिरहा नगरस्तरीय फुटबल प्रतियोगिता सिरहा आर्थिक सहयोगमा र सलहेश युवा क्लव सिरहाको आयोजनामा सम्पन भएको छ ।