माग पुरा गर्ने वातावरण नबन्ने सम्म वर्ता हुदैन्, आन्दोलित कर्मचारीको भनाई

• चैत २५, २०८२ | २१४ पटक पढिएको | सीमा संदेश

सिरहा । सिरहा नगरपालिकाका नगर प्रमुख नवीनकुमार यादवले कार्यालय सहयोगी कुटपिट गरेको घटनामा कारबाहीको माग गर्दै कर्मचारीहरू आन्दोलनमा उत्रिएका छन् । नगरपालिकामा कार्यरत कर्मचारीहरू कार्यालयमै धर्ना दिएर प्रदर्शन गरिरहेका हुन् । 

मंगलवार सिरहा नगरपालिका मेयरका तर्फबाट वर्ता बस्न पत्र आएको कर्मचारी आन्दोलन समितिका संयोजक मो.इद्रिश राईनले बताए । तर जब सम्म आन्दोलित कर्मचारीका माग पुरा गर्ने गरी ठोस प्रतिवद्धता सहितको वातावरण नबन्ने सम्म पत्र मात्रले वर्ता हुन नसकिने राईनले बताए ।

पिडित कर्मचारीको उपचार विराटनगरमा भईरहेको छ । उनको रिडको करङ्कको हड्डी भाँचिएको परिवारिक स्रोतले जानकारी दिइएको छ । अहिले अधिकारीक रिर्पोट आएको छैन र नगर प्रमुखको तर्फबाट उपचारका लागि कुनै पनि पहल देखिएको छैन् वर्ता कसरी हुन्छ ।

 पटक पटक नगर प्रमुखले कर्मचारीलाई दुस्मन झै व्यवहार गर्दै आईरहेका छन् । कहिले भन्छ कुनै कर्मचारी योग्य छैन त कहिले भन्छ कामै गर्न आउँदैन् । सर्व गुण सम्मपन मेयर सहाबले यसरी नै कर्मचारी कुटदै वर्ता गदै गयो भने हामी कर्मचारी कसका लागि काम गर्ने भन्ने प्रश्न कर्मचारी साथिहरुका रहेको प्रशासकीय अधिकृत बलिराम यादबले बताए ।

वर्ता बन्द कोठा भित्र मात्र हुनु हुदैन् आन्दोलनमा सहभागी कर्मचारीहरुका भनाई छन् ।  देशका नम्बर वन मेयर सहाबले कर्मचारीलाई किन ज्यान मर्ने सम्मको प्रयास गरी रहेका छन भने कुराको पनि स्पष्ट रुपमा वर्तामा छलफल हुनु पर्छ आन्दोलनमा बसेका कर्मचारीहरुका माग छन्।

कर्मचारीहरू आन्दोलनमा उत्रिँदा नगरपालिकाको कामकाज ठप्प बनेको छ । नगर प्रमुख यादवले सोमबार बिहान ९ बजे हाजिरी गरिरहेको अवस्थामा कार्यालय सहयोगी ५० वर्षीय रामशरण यादवलाई गालीगलौज गर्दै लात्ती र मुक्का हानेका थिए।

अहिले उपचार गराइरहेका पीडित कर्मचारीको निःशुल्क उपचार हुनुपर्ने, उचित क्षतिपूर्ति दिनुपर्ने, नगर प्रमुखमाथि प्रचलित कानूनी बमोजिम कडा कारबाही हुनुपर्ने तथा कर्मचारीले आत्मसम्मानपूर्वक काम गर्न पाउने वातावरण निर्माण गरिनुपर्ने कर्मचारीहरूको माग छ ।

आफूहरूको मागलाई गम्भीरतापूर्वक नलिई सम्बोधन नगरिए आन्दोलन निरन्तर रहने सिरहा नगरपालिकाका प्रमुख प्रशासकीय अधिकृत विनयकुमार सोनुले बताए ।