जसपा नेपालले चयन गर्नसकेन दलको नेता

• जेठ ७, २०८३ | ७२ पटक पढिएको | सीमा संदेश

एकीकृत जनता समाजवादी पार्टी (जसपा) नेपालको मधेश प्रदेश संसदीय दलको नेता चयन हुन सकेनन् ।

मुख्यमन्त्री कृष्ण प्रसाद यादवलाई विश्वासको मत दिने बेलामा जसपा नेपालमा दलको नेताका लागि विवाद उत्पन्न भएको थियो । तत्कालिन जसपा नेपालका सरोज यादव र तत्कालिन लोसपा नेपालका जितेन्द्र सोनल दुवैले आफू जसपा नेपाल संसदीय दलको नेता रहेको दाबी गर्न थालेपछि विवाद उत्पन्न भएको थियो । जसपा नेपालको विवादकै कारण मुख्यमन्त्री यादवले विश्वासको मत लिन सकेनन् र आउंदो शुक्रवारका लागि मिति तय गरिएको छ ।

जसपा नेपालमा देखिएका संसदीय दलको नेता विवाद समाधान लागि बुधवार दुवै दलका सांसदहरुको बैठक आह् वान गरिएको थियो । तर सो बैठकबाट एकीकृत जसपा नेपालको नयाँ संसदीय दलको नेता चयन हुन सकेको छ । दिउंसो १ बजेदेखि ५ बजेसम्म बसेको सो बैठक संसदीय दलको नेता कुन प्रक्रियाले छान्ने विषयमा मात्र छलफल भएको र बिहीवर पुनः बैठक बस्ने गरी बैठक स्थगित भएको बैठकमा सहभागी एक सांसदले जनाएको छ ।

उनका अनुसार आजको बैठकमा दलको नेतामा कसैले पनि आफ्नो दाबी गरेको छैन, सर्वसम्मति वा निर्वाचन कुन प्रक्रियाले चयन गर्ने बारे छलफल मात्र भएको हो । बिहीवार बस्ने बैठकबाट नेता बन्न चाहने इच्छुकहरुले आ आफ्नो दाबी पेश गर्नेछ । शुरुमा सर्वसम्मतिबाट चयन गर्ने प्रयास गरिनेछ नभए निर्वाचनको मतदान प्रक्रियामा जानेछ । श्रोतका अनुसार तत्कालिन जसपा नेपालबाट सरोज कुमार यादव, लालबाबु राउत र लोसपा नेपालबाट जितेन्द्र सोनलले आन्तरिक रुपमा दाबी गरिरहेका छन् ।

जसपा नेपालको नयाँ दलको नेताले नै मधेश सरकार नेतृत्वको नयाँ बाटो कोर्नेछ ।