घुस रकमसहित सव डिभिजन वन प्रमुख पक्राउ

• असार २४, २०८३ | १७६ पटक पढिएको | सीमा संदेश

सिरहाको बन्दीपुरस्थित सव डिभिजन वन कार्यालयका प्रमुख रामकेवल राय यादव १२ हजार रुपैयाँ घुस रकमसहित पक्राउ परेका छन् ।

महोत्तरीको बर्दिवासस्थित अख्तियार दुरुपयोग अनुसन्धानबाट आएको टोलीले मंगलबार दिउँसो कर्जन्हा नगरपालिका ४ भुल्केबाट उनलाई सेवाग्राहीबाट लिएको १२ हजार रुपैयाँ घुस रकमसहित पक्राउ गरेको हो ।

कर्जन्हा नगरपालिका २ बन्दीपुरमा संचालित सः मिल तथा फर्निचर उद्योगले विभिन्न स्थानबाट ल्याएको काठको प्रति ट्रक चार हजार रुपैयाँको दरले यादवले लिएको १२ हजार रुपैयाँसहित नियन्त्रणमा लिइएको अख्तियारले जनाएको छ ।

काठ ल्याउन पटक पटक घुस रकम मागेर हैरानी गरेका गुनासो गर्दै सेवाग्राही अख्तियार पुगेपछि स्टिङ् अप्रेसन गरी नियन्त्रणमा लिएर थप अनुसन्धान अघि बढाएको जनाइएको छ । आगामी साउनमा सेवा निवृक्त हुन लागेका यादव मंगलबार दिउँसो करिब ३ बजेसम्म लहानस्थित डिभिजन वनको काम भ्याएर फर्किएको बतााइएको छ।