सिरहा जिल्ला अदालतमा ६ साउनसम्म नयाँ मुद्दा दर्ता नहुने

• साउन १, २०८३ | १५१ पटक पढिएको | सीमा संदेश

आगामी आर्थिक वर्ष २०८३/०८४ को वार्षिक कार्ययोजना निर्माणसहित आव २०८२/०८३ को वार्षिक प्रतिवेदन तयारी लगायतका व्यवस्थापकीय कामका लागि सिरहा जिल्ला अदालतले आगामी ६ साउनसम्म नयाँ मुद्दा दर्ता नगर्ने भएको छ।

अदालतका श्रेस्तेदार उपसचिव भेषराज भट्टराईद्वारा जारी सूचनामा वार्षिक कार्ययोजना निर्माण, वार्षिक प्रगति प्रतिवेदन तयारीका लागि नयाँ मुद्दा दर्ता बन्द गरिएको उल्लेख छ। सूचनामा नयाँ दायरी दर्तालगायतका व्यवस्थापकीय काम गर्न हदम्याद व्यतित हुने र बन्दीप्रत्यक्षीकरण निवेदनबाहेक अन्य नयाँ मुद्दाहरु ३२ असारदेखि ६ साउनसम्म दर्ता बन्द गरिएको जनाइएको छ।

७ साउनदेखि अदालतमा नियमित रुपमा नयाँ मुद्दाहरु दर्ता हुने  सूचनामा उल्लेख छ।