गोलबजार झडपका घाइते एक जनालाई धरान पठाइयो

• साउन १४, २०८३ | ६५ पटक पढिएको | सीमा संदेश

सिरहा । गोलबजारमा बिहीबार दिउँसो भएको प्रदर्शनका क्रममा एक जनाको मृत्य र घाइते भएका एक जनालाई धरान पठाइएको छ ।

उनलाई सुरुमा नेपाली सेनाको हेलिकप्टरमार्फत काठमाडौं लाने तयारी गरिएको थियो । यद्यपि होस खुलेपछि धरानस्थित बीपी कोइराला स्वास्थ्य विज्ञान प्रतिष्ठानमा लगिएको हो ।

गोलबजारमा दुई पक्षबीच झडप हुँदा दुई जना गम्भीर घाइते भएका थिए । सुनसरीमा भएको दुई समुदायबीचको झडपको असर अन्य जिल्लामा परेको हो ।

कर्फ्यु आदेश जारी भए पनि प्रदर्शन जारी छ । आगजनी र तोडफोड हुन थालेपछि प्रहरीले गोली चलाएको हो ।

केहीबेरअघि प्रदर्शनकारीले एक मोटरसाइकल ग्यारेजका मोटरसाइकल निकालेर आगजनीसमेत गरेका थिए ।

आगजनीका कारण ११ वटा मोटरसाइकल नष्ट भएको प्रहरीले जनाएको छ ।

गोलबजारमा पनि स्थिति अशान्त बनेसँगै स्थानीय प्रशासनले कर्फ्यू आदेश जारी भइसकेको छ ।